शिवप्रहार न्युज - श्रीरामपुरात LCB ने गुटख्याची वाहतूक करणारा पकडला...

श्रीरामपुरात LCB ने गुटख्याची वाहतूक करणारा पकडला...

   श्रीरामपूर (शिवप्रहार न्युज)- श्रीरामपूर शहरात पोत्यातून गुटख्याची तस्करी करणाऱ्या एकास एलसीबीच्या पथकाने आज सापळा लावून दशमेश चौकाजवळ पकडले आहे. याबाबतची अधिक माहिती अशी की, श्रीरामपूर शहरात गुटख्याची तस्करी होत असल्याची माहिती एलसीबीचे प्रमुख पोनि. दिनेश आहेर यांना कळाली. तेव्हा त्यांनी श्रीरामपुरात आपल्या पोलीस कर्मचाऱ्यांचे पथकाला सापळा लावण्याच्या सूचना केल्या.त्यानंतर मिळालेल्या माहितीनुसार पोलिसांनी पंचासमक्ष जाऊन शहरातील दशमेश चौक येथे राज फोटो स्टुडिओजवळ सापळा लावून पोलीस थांबले.थोड्याच वेळात मोटारसायकलवर एक इसम गोणीमध्ये काहीतरी घेवून येताना दिसला. तेव्हा मिळालेल्या माहितीनुसार हीच ती व्यक्ती असल्याची खात्री झाल्याने पोलिसांनी त्याला थांबवून त्याचे नाव विचारले असता त्याने सरफराज मुश्ताक मेमन, वय- ३३, रा.मक्का मस्जिदजवळ, कुरेशी मोहल्ला, सुभेदारवस्ती, वॉर्ड नं. २, श्रीरामपूर असे सांगितले. 

        त्या गोणीची झडती घेतली असता पोलिसांना त्याच्याकडून हिरा पान मसाला नावाच्या गुटख्याचे ९ हजार ८४० रूपयांचे ८२ पुडे तसेच रॉयल नाव असलेल्या सुगंधीत तंबाखूचे २३१० रूपयांचे पुडे आणि ७० हजार रूपयांची हिरो होन्डा मोटारसायकल असा एकूण ८२ हजार १५० रूपयांचा मुद्देमाल पोसिलांनी जप्त केला. याप्रकरणी पोकॉ. विशाल तनपुरे यांच्या फिर्यादीवरून सरफराज मुश्ताक मेमन, रा. वॉर्ड नं.२, श्रीरामपूर याच्याविरूद्ध गुरनं. ७०६ प्रमाणे गुन्हा दाखल करण्यात आला आहे. पुढील तपास श्रीरामपूर शहर पोलिस करत आहे.