शिवप्रहार न्यूज-२ गंठणचोर पकडले; श्रीरामपूर शहर पोलिसांची कामगिरी...

२ गंठणचोर पकडले; श्रीरामपूर शहर पोलिसांची कामगिरी...

श्रीरामपूर (प्रतिनिधी)-महिलांच्या गळ्यातील गंठण धूम स्टाईलने पळवून नेणारे दोघे अट्टल गंठनचोर श्रीरामपूर पोलिसांनी पकडले असून त्यांच्याकडून २ लाख २२ हजारांचा मुद्देमाल पोलिसांनी जप्त केला आहे. ज्योती शिवाजी वेताळ या २३ जानेवारीला मोटारसायकलवरून जात असताना आरटीओ ऑफिसजवळ त्यांच्या गळयातील गंठण हे धूम स्टाईलने चोरून नेण्यात आले होते. त्याचा तपास करत असताना पोलिसांना दोघा आरोपींची माहिती मिळाली. तेव्हा पोलिसांनी मिळालेल्या माहितीनुसार निपाणीवडगाव येथे आरोपींच्या घरी छापा टाकला असता अजय संजय पंडीत, वय-२०, रा. निपाणीवडगाव याला पकडले.तसेच त्याच्याकडून मिळालेल्या माहितीनुसार पोलिसांनी वैजापूर तालुक्यातील महालगाव येथे जाऊन राहुल माणिक आमराव, वय- २६, रा.निपाणीवडगाव यालापकडले. त्याच्याकडून ४७ हजार रूपयांचे सोन्याचे गंठण, ८० हजार रूपयांचे तुटलेला पट्टा व पेंडेल व ९५ हजार रूपयांचे १२५ सीसीची पल्सर मोटारसायकल असा २ लाख २२ हजार रूपयांचा मुद्देमाल जप्त केला आहे.    
        याप्रकरणी एसपी राकेश ओला, अपर पोलीस अधीक्षक वैभव कलुबर्मे तसेच डिवायएसपी बसवराज शिवपुंजे यांच्या मार्गदर्शनाखाली पोनि नितीन देशमुख यांच्या पथकातील पोउनि. समाधान सोळंके, पोना. रघुवीर कारखेले, पोकॉ. राहुल नरवडे, गौतम लगड, रमीजराजा अत्तार, संभाजी खरात, अजित पटारे, रामेश्वर तारडे, आदिनाथ आंधळे, महिला पो.कॉ. मिरा सरग तसेच अपर पोलीस अधीक्षक कार्यालयातील पोना. संतोष दरेकर, पोना. सचिन धनाड, वेताळ यांनी या कारवाईत सहभाग घेतला.