शिवप्रहार न्यूज- चोरी करताना एकाचा गळफास बसून मृत्यू;रामगडचा साथीदार काही करू शकला नाही…
Editor Chandu Aage 
चोरी करताना एकाचा गळफास बसून मृत्यू;रामगडचा साथीदार काही करू शकला नाही…
संगमनेर - संगमनेर तालुक्यातील शिंदोडी या गावाच्या परिसरात चोरी करण्यासाठी टेम्पो व इनोव्हा घेवुन गेलेल्या चोरट्यांपैकी योगेश विघे हा विजेच्या टॉवरवर चढून ॲल्युमिनियम धातूच्या तारा कापत असताना त्याचा तोल जाऊन तो कोसळला.त्यावेळी कमरेला बांधलेली दोरी गळ्यात गुंडाळली गेल्यामुळे जागेवर गळफास बसून तो मयत झाला.
ही बाब समजताच योगेश याचे साथीदार सरफराज शेख,राहणार- रामगड-बेलापूर,तालुका श्रीरामपूर व राजेंद्र पंडित, आदित्य सोनवणे,संकेत दातीर,सर्व राहणार -तालुका संगमनेर यांनी तात्काळ योगेशला लोणी येथे रुग्णालयात दाखल केले.परंतु त्यापूर्वी तो मयत झाला होता.
काल लोणी पोलिसांनी या चोरट्यांच्या वाहनाबाबत चौकशी केल्यावर सदर बाब उघडकीस आली.
