शिवप्रहार न्यूज- तलवार, चाकूसह श्रीरामपूर शहरात एकाला पकडले…
Editor Chandu Aage 
तलवार, चाकूसह श्रीरामपूर शहरात एकाला पकडले…
श्रीरामपूर - शहरातील वॉर्ड नं. २ परिसरात दहशत पसरविण्याच्या हेतूने एका तरुणाच्या हातात तलवार व चाकू पोलिसांना आढळून आले. याप्रकरणी श्रीरामपूर शहर पोलीस ठाण्यात आर्म ॲक्ट व दहशत पसरविण्याच्या हेतूप्रकरणी गुन्हा दाखल करण्यात आला आहे.
शहरातील वॉर्ड नं. २ मध्ये काही वाद चालू असल्याची माहिती मिळताच पोलीस निरीक्षक संजय सानप, पोकॉ राहुल नरवडे, कारखेले, अमोल जाधव व मनोज, पोकॉ गावडे हे पोलीस त्या ठिकाणी पोहोचताच त्या ठिकाणी अफरोज शाह याच्या हातात तलवार व चाकू पोलिसांना आढळून आला. अफरोज हा या परिसरात दहशत पसरवत असल्याचे आढळून आले. पालिसांनी तातडीने त्यास ताब्यात घेतले.
याप्रकरणी श्रीरामपूर शहर पोलीस ठाण्यात अफरोज शाह याच्याविरुद्ध आर्म ॲक्ट ४/२५, दहशत पसरविणे म्हणून कलम ७ अन्वये गुन्हा दाखल करण्यात आला आहे. या भागात लहान मुलाच्या कारणावरून वाद झाले होते. हे वाद मोठ्या माणसांपर्यंत गेल्याने ते विकोपाला गेले. तरूणांनी काही क्षणात गर्दी केली होती. अफरोज शाहला पोलीस ठाण्यात आणल्यानंतर पोलीस ठाण्यात मोठी गर्दी जमली होती.
पोलीस तात्काळ घटनास्थळी दाखल झाल्याने पुढचा मोठा अनर्थ टळला नाहीतर मोठा अनर्थ घडला असता. पोलीसांच्या कार्यतत्परतेने ही घटना टळली.
