शिवप्रहार न्यूज - अशोकनगरला गोमांस विकताना एकाला पकडले
Editor Chandu Aage 
अशोकनगरला गोमांस विकताना एकाला पकडले
श्रीरामपूर (शिवप्रहार न्युज) - अशोकनगर येथील कुरेशी मोहल्ल्यात एका जणाला गोमांस विक्री करतांना पकडले आहे. याबाबत अधिक माहिती अशी की, पोलिसांना अशोकनगर भागात एकजण महाराष्ट्रात बंदी असलेले गोमांस विक्री करीत असल्याची गुप्त माहिती मिळाल्यावरून पोलिसांनी छापा टाकला असता काल रविवार दि. १२ मार्च रोजी सकाळी १०.१५ च्या सुमारास अशोकनगर येथील कुरेशी मोहल्ल्यात मोहंमद फारूकभाई शेख, वय - ४२ हा गोवंशीय जनावरांचे कत्तल केलेले मांस घराच्या आडोशाला विक्री करण्याच्या उद्देशाने विनापरवाना, बेकायदा जवळ बाळगताना मिळून आला. मोहंमदकडून दीड हजार रूपये किंमतीचे १० किलो गोवंश जातीच्या जनावरांचे मांस जप्त करण्यात आले. याप्रकरणी पोना. किरण पवार यांच्या फिर्यादीवरून आरोपी मोहंमद फारूक शेख याच्याविरूद्ध प्राण्यांचा छळ प्रतिबंधक अधिनियम १९६० चे कलम ५, ५ (१), ९ प्रमाणे श्रीरामपूर शहर पोलिसात गुन्हा दाखल करण्यात आला आहे. याप्रकरणी पुढील तपास पोनि. हर्षवर्धन गवळी यांच्या मार्गदर्शनाखाली श्रीरामपूर शहर पोलीस करीत आहेत.
