शिवप्रहार न्यूज- श्रीरामपूरच्या तरुणाचा पुण्यात अपघाती मृत्यू…
Editor Chandu Aage 
श्रीरामपूरच्या तरुणाचा पुण्यात अपघाती मृत्यू…
श्रीरामपूर -श्रीरामपूर तालुक्यातील गोंडेगाव येथे राहणारा तरुण अक्षय अरविंद फोपसे,वय पंचवीस वर्ष याचा पुण्यातील कोथरूड भागात कर्वे चौकामध्ये मोटरसायकलवर डिव्हायडरला आदळून मृत्यू झाला आहे.
अधिक माहिती अशी की,अक्षय हा एका आयटी कंपनीमध्ये चांगल्या पदावर काम करत होता.गेल्याच आठवड्यात पुण्याकडे पुन्हा कामावर रुजू झाला होता.त्याच्या बुलेट मोटरसायकलवरून जात असताना रस्त्यावर बारीक खडी असल्यामुळे मोटारसायकल घसरून हा अपघात झाल्याचे समजते. या अपघातात त्याचा जागीच मृत्यू झाला.
दरम्यान गोंडेगाव येथे त्याच्या गावी त्याच्यावर अंत्यसंस्कार करण्यात आले.या बातमीमुळे गोंडेगावकर यांनी स्वयंस्फूर्तीने गाव बंद ठेवले होते. गोंडेगावचे प्रगतशील शेतकरी अरविंद फोपसे यांचा तो एकुलता एक मुलगा होता.
