शिवप्रहार न्यूज - २ मोटारसायकलींची जोरदार धडक दोघांचा दुर्दैवी मृत्यू
Editor Chandu Aage 
२ मोटारसायकलींची जोरदार धडक दोघांचा दुर्दैवी मृत्यू
श्रीरामपूर (शिवप्रहार न्युज)- तालुक्यातील माळवाडगाव - खानापूर रस्त्यावर दोन मोटारसायकलची समोरासमोर जोरदार धडक होऊन खानापूर येथील दोघांचा दुर्दैवी मृत्यू झाला आहे. हा दुर्दैवी अपघात काल बुधवारी सायंकाळच्या सुमारास झाला.
याबाबत अधिक माहिती आशी की, खानापूरहून माळवाडगावकडे विलासराव हरिभाऊ आदिक व वाल्मिक भास्करराव आदिक हे दोघे मोटारसायकलवर जात होते. तर दुसऱ्या मोटारसायकलवर बाळासाहेब केरू भालेराव हे माळवाडगावहून खानापूर कडे जात होते.
या दोन्ही मोटारसायकलची समोरासमोर जोरात धडक झाली. अपघातानंतर बाळासाहेब भालेराव (वय ५९) यांचा रुग्णालयात जाताना रस्त्यात मृत्यू झाला. तर विलासराव आदिक (वयं ५५) यांचा श्रीरामपूर रुग्णालयात मृत्यू झाला. जखमी वाल्मिक आदिक यांच्यावर उपचार सुरू आहे. अपघाताच्या या घटनेने खानापूर गावावर शोककळा पसरली आहे. श्रीरामपूर तालुका पोलीस ठाण्याचे सहायक पोलीस निरीक्षक थोरात यांनी घटनास्थळी भेट दिली.
