शिवप्रहार न्यूज- श्रीरामपूर शहरासह परिसरात रात्री वाऱ्यासह पावसाची हजेरी...
Editor Chandu Aage 
श्रीरामपूर शहरासह परिसरात रात्री वाऱ्यासह पावसाची हजेरी...
श्रीरामपूर - शहरासह परिसरात काल रात्री वाऱ्यासह मान्सुनच्या पावसाने हजेरी लावली सुमारे अर्धा तास हा पाऊस झाला. वाऱ्यामुळे वीजपुरवठा काही वेळ बंद झाला होता. पाऊस असला तरी वातावरणात प्रचंड उकाडा होता. रात्री साडेआठच्या सुमारास पावसाला सुरुवात झाली. बराच वेळ तो सुरुच होता.
या पावसाने शहरात रस्त्यावरून पाणी वाहिले. गटारी तुडूंब भरून वाहत होत्या. शहराबरोबरच टिळकनगर, दत्तनगर, बेलापूर, उक्कलगाव, अशोकनगर या परिसरातही पावसाने हजेरी लावली. वाऱ्यामुळे बहुतेक गावातील वीजपुरवठा खंडित झाला होता. पावसाने हजेरी लावली असली तरीही या पावसावर खरिपाच्या पेरण्या होणार नाहीत. त्यासाठी आणखी पावसाची आवश्यकता आहे. शेतकऱ्यांनी आताच खरिपाची पेरणी करू नये असे आवाहन कृषी विभागाने केले आहे.
