शिवप्रहार न्यूज- रस्त्याच्या धीम्या गतीच्या कामामुळे व एकेरी वाहतुकीमुळे राहुरीजवळ भिषण अपघात …
Editor Chandu Aage 
रस्त्याच्या धीम्या गतीच्या कामामुळे व एकेरी वाहतुकीमुळे राहुरीजवळ भिषण अपघात …
राहुरी/प्रतिनिधी :-नगर -मनमाड रोड जोगेश्वरी आखाडा येथे आज बुधवारी रस्त्याच्या चाललेल्या धीम्या गतीच्या कामामुळे एकेरी वाहतूक सुरू असून गेल्या तीन ते चार महिन्यापासून या विभागातील काम बंद आहे . त्यामुळे अनेक ॲक्सिडेंट होऊन अनेकांचे प्राण गमावण्याची वेळ आलेली आहे.आज या ठिकाणी एका ट्रकचा कट बसून कोल्हापूर येथील तीर्थयात्री जबर जखमी झाले.
त्यातच एका मोटरसायकलवरील वयोवृद्ध आजी व एक पुरुष हे जखमी झाले.सदर अपघात घडला असता डॅा.तनपुरे कारखान्याचे संचालक विजय डौले व स्थानिक लोकांनी यांनी त्वरित राहुरी पी.आय . श्री .प्रताप दराडे यांना फोन केला.तसेच ॲम्बुलन्स ला फोन करून सदर जखमींना हॉस्पिटलमध्ये पोहोचवण्याची व्यवस्था केली.
सदर गाडीचे एअर बॅग उघडल्यामुळे जीवित हानी टळली असून गाडीचा पूर्ण चुरा झाला आहे.घटनेमुळे काही काळ या ठिकाणी वाहतूक कोंडी होऊन घाबराट निर्माण झाली होती .
