शिवप्रहार न्यूज- गावठी कट्टा विक्रीसाठी बाळगताना श्रीरामपूरच्या चव्हाणला पकडले...
Editor Chandu Aage 
गावठी कट्टा विक्रीसाठी बाळगताना श्रीरामपूरच्या चव्हाणला पकडले...
श्रीरामपूर -श्रीरामपूर शहरातील वार्ड नंबर सहामध्ये बाजारतळ परिसरात राहणारा प्रेम पांडुरंग चव्हाण,वय 37 वर्षे याला राहुरी फॅक्टरी परिसरात हॉटेल साक्षी येथे स्थानिक गुन्हे शाखेने सापळा रचून पकडले.
त्यावेळी त्याच्याकडे एक गावठी बनावटीचा कट्टा व एक जिवंत काडतूस असा 31 हजार रुपयांचा मुद्देमाल मिळून आला.प्रेम चव्हाणला मागच्या महिन्यात देखील गावठी कट्टा बाळगल्याप्रकरणी अटक झाली होती.त्यावेळी देखील गुन्हा दाखल करण्यात आला होता.
हि कारवाई स्थानिक गुन्हे शाखेचे पोलीस निरीक्षक श्री.अनिल कटके यांच्या मार्गदर्शनाखाली सपोनि दिवटे,इंगळे,पोलीस हवालदार गोसावी,गव्हाणे,पोलीस नाईक शंकर चौधरी,रवी सोनटक्के पोलीस शिपाई ससाने,येमुल,गावडे यांच्या पथकाने केली.
