शिवप्रहार न्यूज- यात्रेत,बाजारात चोऱ्या करणारी टोळी पकडली; श्रीरामपूर तालुका पोलिसांची कामगिरी…
Editor Chandu Aage 
यात्रेत,बाजारात चोऱ्या करणारी टोळी पकडली; श्रीरामपूर तालुका पोलिसांची कामगिरी…
श्रीरामपूर (शिवप्रहार न्यूज)- तालुक्यातील हरेगाव येथील यात्रा उत्सवमध्ये अनेक चोऱ्या झाल्या होत्या. या चोऱ्यांसंदर्भात श्रीरामपूर तालुका पोलीस ठाण्यात गुन्हेही दाखल करण्यात आले होते. या चोऱ्यांचा तपास करत असताना राहुरी येथील वरवंडी गावात आनंद संजय पवार व त्याचे इतर साथीदार हे यात्रा आठवडे बाजार मधून मोटरसायकल चोरी करून विक्री करत असल्याची गुप्त माहिती मिळाली.
त्यानुसार तालुका पोलिसांनी राहुरी पोलीस स्टेशन हद्दीतील वरवंडी गावात जाऊन पवार याची चौकशी केली असता त्याने ताराचंद काशिनाथ भालेराव, चैतन्य संजय शिंदे यांच्या मदतीने हरेगाव येथील यात्रेतून मोटारसायकल चोरीची कबुली दिली. त्यानंतर या तीनही आरोपींना अटक करण्यात आली आहे.
आरोपी आनंद संजय पवार याच्याकडुन हिरो कंपनीची स्प्लेंडर मोटरसायकल जप्त करण्यात आली आहे. सदरची कारवाई एसपी राकेश ओला साहेब, अप्पर पोलीस अधीक्षक स्वाती भोर, डीवायएसपी संदीप मिटके, सपोनि ज्ञानेश्वर थोरात यांच्या मार्गदर्शनाखाली श्रीरामपूर तालुका पोलीस स्टेशनचे पोसई आर व्ही शिंदे, पोहेकॉ आर डी लवांडे, पोना ए डी पवार, पोकॉ एस एस कराळे यांनी केली आहे.
