शिवप्रहार न्यूज - श्री जुने बालाजी मंदिरात फाल्गुन होळी उत्साहात संपन्न
Editor Chandu Aage 
श्री जुने बालाजी मंदिरात फाल्गुन होळी उत्साहात संपन्न
बेलापूर(शिवप्रहार न्युज)- बेलापूर येथील श्री जुने बालाजी मंदिरात आयोध्या येथील श्रीराम जन्मभूमीचे कोषा अध्यक्ष श्री स्वामी गोविंददेव गिरीजी महाराज तथा किशोरजी व्यास यांच्या आशीर्वादाने दरवर्षीप्रमाणे याही वर्षी मंदिरात फाल्गुन होळी श्री जुने बालाजी मंदिर चे ट्रस्टचे अध्यक्ष हरजी भाऊ व्यास यांच्या मार्गदर्शनाखाली पंडित महेश व्यास यांच्या संकल्पनेतून मोठ्या थाटामाटात संपन्न झाले.
दरवर्षी फाल्गुन महिन्यात हा उत्सव साजरा होतो. या मंदिरात अतिशय सुंदर अशी सजावट ओम प्रकाश व्यास व व्यास परिवार तसेच भक्तांनी एकत्र येऊन केली होती. ही सजावट पाहून भक्तांनी आनंद व्यक्त केला. या कार्यक्रमासाठी राजस्थानी समाजातील महिला पुरुष मोठ्या संख्येने उपस्थित होते. राधा कृष्णाची सजावट असलेल्या मूर्ती भोवती महिलांनी रंगाची उधळन करत राधा कृष्णाच्या मूर्ती भोवती नृत्य करत आनंद व्यक्त केला होता. या होळीच्या उत्सव प्रसंगी श्री बालाजी भगवंताला द्वारकाधीश श्रीकृष्ण करण्यात आला होता. हा कार्यक्रम बेलापूर येथील मेन रोड श्री जुने बालाजी मंदिर येथे होत असताना येणाऱ्या जाणाऱ्या भाविकांसह अनेकांनी या कार्यक्रमाचे कौतुक केले. कार्यक्रम पाहण्यासाठी भाविकांनी एकच गर्दी केली होती.
