शिवप्रहार न्युज - सामुहिक अत्याचार ! एसपी ओलांची शिर्डीत ' धडक ' ! 

सामुहिक अत्याचार ! एसपी ओलांची शिर्डीत ' धडक ' ! 

शिर्डी ( शिवप्रहार न्युज ) - श्रीसाईबाबांच्या शिर्डीत एका गरीब असहाय्य तरुणीवर ५ जणांनी सामुहिक बलात्कार केला . पीडीत तरुणीने रुग्णालयात उपचार सुरु असतांना तशी फिर्याद दिली . हा गुन्हा घडल्याचे समजताच कर्तव्यदक्ष एसपी राकेश ओला यांनी काल गुरुवारी भेट दिली.

      अत्याचार प्रकरणाची गंभीर दखल घेत एसपी राकेश ओला यांनी काही हॉटेल व इतर काही ठिकाणी भेटी दिल्या.शिर्डी येथे डीवायएसपी सातव, पोनि पाटील यांना शिर्डीतील गुन्हेगारी संबंधी सक्त सुचना देत सामुहीक अत्याचार प्रकरणी तपासकामी मागर्दर्शक सुचना देत निर्देश दिले .      

         काल शिर्डीत पीडीत तरुणीलाही आणण्यात आले होते . तिने काही ठीकाणे दाखवल्याची माहीती समजते . एक विशेष पथकही शिर्डीत तळ ठोकून आहे. श्री साईबाबांची शिर्डी ही मोठे धार्मिक ठिकाण असून येथे गेल्या १० वर्षात मोठी गुन्हेगारी वाढत गेली . पीडीत तरुणी गरीब असहाय्य आहे त्यामुळे तिला मतिमंद ठरवणे म्हणजे गुन्हेगारांना अभय दिल्यासारखे होईल व गुन्ह्याचे गांभीर्य कमी करण्याचा हा प्रकार तर होत नाही ना ? अशी चर्चा शिर्डीत होत असून एक कर्मचारी अथवा त्याच्या पत्नीशी पिडीत मुलीचा संबंध आला होता अशीही उलट सुलट चर्चा शिर्डीत आहे . 

     काही असले तरी आता नव्याने आलेले एसपी राकेश ओला बाबांच्या शिर्डीतील गुन्हेगारी रोखण्यासाठी थेट धडक भुमिका घेतील हे त्याच्या कालच्या शिर्डी भेटीतून दिसून आले .