शिवप्रहार न्यूज- टाकळीभान मध्ये बनकर आणि दाभाडे कुटुंबीयांत जोरदार भांडण; पोलीस ठाण्यात परस्पर विरोधी गुन्हे दाखल...

टाकळीभान मध्ये बनकर आणि दाभाडे कुटुंबीयांत जोरदार भांडण; पोलीस ठाण्यात परस्पर विरोधी गुन्हे दाखल...

टाकळीभान,ता.श्रीरामपूर -

टाकळीभान या श्रीरामपूर तालुक्याच्या पूर्व भागातील सर्वात मोठ्या गावात रस्त्याच्या वादावरुन दोन कुटुंबात जोरदार भांडण होवुन श्रीरामपूर तालुका पो.ठाण्यात परस्पर विरोधी गुन्हे दाखल करण्यात आले आहे.

या घटनेची सविस्तर हकीकत अशी की ,फिर्यादी अशोक रखमाजी बनकर ,वय 55 वर्षे ,राहणार -टाकळीभान यांनी त्यांच्या फिर्यादीत सांगितले की,आरोपी विजय दाभाडे ,बाळासाहेब दाभाडे ,अशोक दाभाडे बबन दाभाडे ,संकेत दाभाडे सर्व राहणार -टाकळीभान यांनी फिर्यादी बनकर यांच्या येण्या-जाण्याच्या रस्त्यात दगड टाकल्याने फिर्यादी हे आरोपींना दगड काढण्यास सांगायला गेले असता आरोपींनी गैर कायद्याची मंडळी(बेकायदेशीर जमाव) जमवुन, हातात काठी घेऊन येऊन फिर्यादीला शिवीगाळ करून जिवे मारण्याची धमकी दिली यावरून श्रीरामपूर तालुका पोलीस ठाण्यात गुन्हा रजिस्टर नंबर 91/ 20 21 भादवि कलम 143, 147 ,148 ,149 ,504 ,506 अन्वये गुन्हा दाखल करण्यात आला आहे.

           तसेच दुसर्या दाखल केलेल्या गुन्ह्यात फिर्यादी अशोक बाळासाहेब दाभाडे, वय 35 वर्ष, राहणार -टाकळीभान तालुका श्रीरामपूर. यांनी त्यांच्या फिर्यादीत सांगितले की,आरोपी रखमाजी बनकर,अशोक बनकर ,बाळासाहेब बनकर ,पप्पू बनकर ,दीपक बनकर सर्व राहणार -टाकळीभान यांनी संगनमत करून गैर कायद्याची मंडळी(बेकायदेशीर जमाव) जमवुन हातात कुर्हाड, काठी घेऊन येवुन रस्त्याच्या कारणावरून फिर्यादी दाभाडे यांना शिवीगाळ करून , जिवे मारण्याची धमकी दिली म्हणून श्रीरामपूर तालुका पोलीस ठाण्यात गुन्हा रजिस्टर नंबर 90/2021 भादवि कलम 143 ,147 ,148 ,149 ,504 506 प्रमाणे गुन्हा दाखल करण्यात आला आहे पुढील तपास हवालदार पवार हे करीत आहेत.