शिवप्रहार न्यूज- देवगड येथे चोरी करण्याच्या उद्देशाने फिरणारी श्रीरामपूरच्या महिलांची टोळी पकडली…
Editor Chandu Aage 
देवगड येथे चोरी करण्याच्या उद्देशाने फिरणारी श्रीरामपूरच्या महिलांची टोळी पकडली…
श्रीरामपूर- श्रीक्षेत्र देवगड येथे चालू असलेल्या दत्तजयंती उत्सवाच्या गर्दीमध्ये चोरी करण्याच्या उद्देशाने फिरत असलेली श्रीरामपूर शहरातील महिलांची टोळी नगरच्या स्थानिक गुन्हे शाखेने व नेवासा पोलिसांच्या मदतीने जेरबंद केली आहे.
या महिलांच्या टोळीमध्ये ०१)गीता बन्सी ,वय 40 वर्ष ,राहणार-स्मशानभुमी जवळ,श्रीरामपूर ०२)मनीषा रोकडे,वय 22 वर्ष,०३)रंजना गायकवाड, वय पन्नास वर्ष,०४)कांचन हातागळे,वय 40 वर्ष,क्रमांक ०२ ते ०४ राहणार -वार्ड नंबर 2,श्रीरामपूर शहर यांचा समावेश आहे.या महिलांपैकी दोघींनी नेवासा बस स्टँड वर नंदा बापू थोरात ,राहणार श्रीरामपूर यांची पर्स दोन महिन्यापूर्वी चोरली होती.
सदरची कारवाई पोलीस अधीक्षक श्री.मनोज पाटील,अप्पर पोलीस अधीक्षक डॉक्टर दिपाली काळे यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री.अनिल कटके यांच्या पथकाने व नेवासा पोलिसांनी केली. या महिला आरोपींविरोधात यापूर्वी चोरीचे गुन्हे नगर, पुणे व संभाजीनगर जिल्ह्यामध्ये दाखल आहेत.
