शिवप्रहार न्युज - गज कापून कारागृहातून खून, बलात्कारातील ४ आरोपी पळाले...
Editor Chandu Aage 
गज कापून कारागृहातून खून, बलात्कारातील ४ आरोपी पळाले...
संगमनेर (शिवप्रहार न्यूज)- संगमनेर शहर पोलीस ठाण्याजवळ असलेल्या उपकारागृहातून आज बुधवारी पहाटे साडेसहाच्या सुमारास खून आणि बलात्कार अशा गंभीर गुन्ह्यातील चार आरोपी गच कापून पळाल्याने एकच खळबळ उडाली आहे.
आज बुधवार दिनांक 8 नोव्हेंबर रोजी पहाटे साडेसहाच्या सुमारास उपकारागृहातील तीन नंबरच्या कोठडीचे तीन गज कापून तेथून पळून गेले आहे. पळून गेलेल्या आरोपींमध्ये वडगावपान येथील खून प्रकरणातील आरोपी राहुल देविदास काळे, घारगाव येथे खूनाचा प्रयत्न केलेला आरोपी मच्छिंद्र मनाजी जाधव तसेच अल्पवयीन मुलीवर बलात्कार करणारे अनिल छबू ढोले, रमेश रोशन दधेल उर्फ थापा या आरोपींचा समावेश असून या चौघा आरोपींनी गेल्या काही दिवसांपासून हळूहळू हेक्सा ब्लेडचा वापर करून गज कापले आहे.
आज सकाळी गंभीर गुन्ह्यातील चार आरोपी गज कापून पळून गेल्याचे समजताच पोलीस प्रशासनामध्ये एकच खळबळ उडाली असून पळालेल्या आरोपींचा पोलीस उपाधीक्षक सोमनाथ वाकचौरे, पोलीस निरीक्षक भगवान मथुरे यांच्या मार्गदर्शनाखाली कसून शोध सुरू आहे.
