शिवप्रहार न्यूज - दारू पाजली नाही म्हणून श्रीरामपुरात एकावर चॉपरने वार...
Editor Chandu Aage 
दारू पाजली नाही म्हणून श्रीरामपुरात एकावर चॉपरने वार...
श्रीरामपूर -श्रीरामपूर शहरातील वार्ड नंबर एक मधील लबडे पेट्रोल पंपाच्या जवळ असणाऱ्या लाल पुलावर रमजान सय्यद ,वय 29 ,राहणार -शिरसगाव यांना दोन आरोपींनी चॉपरने मारहाण केल्याची घटना घडली आहे .
याबाबतची अधिक माहिती अशी की, फिर्यादी रमजान सय्यद लाल पुलावरून जात असताना आरोपी नदीम पिंजारी व राजू जाधव राहणार -वॉर्ड नंबर 2 ,श्रीरामपूर यांनी फिर्यादीकडे दारू पाजण्याची मागणी केली. त्यावेळी फिर्यादीने सांगितले की,माझ्याकडे पैसे नाही या गोष्टीचा आरोपींना राग आल्याने आरोपींनी फिर्यादीला पाठीत चॉपर मारून व लाथाबुक्क्यांनी मारहाण करून जखमी केले.
त्यानंतर फिर्यादी रमजान सय्यद यांना साखर कामगार हॉस्पिटल येथे उपचार कामी दाखल केले असता पोलिसांनी त्या ठिकाणी त्यांचा जबाब नोंदवून श्रीरामपूर शहर पोलीस ठाण्यात गुन्हा रजिस्टर नंबर 486/2021 भादवि कलम 324 ,323,504 ,506 ,34 प्रमाणे गुन्हा दाखल केला आहे .
गुन्ह्याचा पुढील तपास पोलीस निरीक्षक श्री.सानप यांच्या मार्गदर्शनाखाली सहाय्यक फौजदार हापसे हे करीत आहेत.
