शिवप्रहार न्युज - प्रात्यक्षिक परीक्षेत २० पैकी २० गुण देण्यासाठी प्राध्यापकाने विद्यार्थिनीकडे केली शरीरसुखाची मागणी...
Editor Chandu Aage 
प्रात्यक्षिक परीक्षेत २० पैकी २० गुण देण्यासाठी प्राध्यापकाने विद्यार्थिनीकडे केली शरीरसुखाची मागणी...
नगर- बारावीच्या भूगोल विषयाच्या प्रात्यक्षिक परीक्षेत २० पैकी २० गुण देण्यासाठी प्राध्यापकाने विद्यार्थिनीकडे शरीर सुखाची मागणी केल्याच्या आरोपावरून एका शिक्षण संस्थेच्या नगरमधील महाविद्यालयातील प्राध्यापकाविरूद्ध तोफखाना पोलीसांत गुन्हा दाखल करण्यात आला आहे. सतीश शिर्के असे त्या प्राध्यापकाचे नाव आहे.
सध्या बारावीच्या प्रात्यक्षिक परीक्षा सुरू आहेत. त्या दरम्यान हा प्रकार झाला. त्या विद्यार्थिनीने मागणीकडे दुर्लक्ष केल्याने प्राध्यापकाने तिला प्रात्यक्षिक परीक्षेत शून्य गुण दिल्याचे आणि त्यासंबंधी विचारणा करण्यासाठी गेल्यावर पुन्हा तशीच मागणी करीत अश्लील हावभाव केल्याचे फिर्यादीत म्हटले आहे.शहरात राहणाऱ्या एका विद्यार्थिनीने नगरच्या तोफखाना पोलिस ठाण्यात ही फिर्याद दिली आहे.ती तारकपूर भागातील एका महाविद्यालयात बारावीत शिकत आहे.
