शिवप्रहार न्युज - बिबट्याच्या हल्ल्यात मुलगा जखमी; वनविभागाने लक्ष घालावे…
Editor Chandu Aage 
बिबट्याच्या हल्ल्यात मुलगा जखमी; वनविभागाने लक्ष घालावे…
बेलापूर (शिवप्रहार न्युज)- बेलापूर खूर्द परिसरातील केसापूर-आंबी रस्त्यावर मोटरसायकलवरून चाललेल्या दोघांवर दबा धरून बसलेल्या बिबट्याने अचानक हल्ला केल्याने यामध्ये एक मुलगा जखमी झाला आहे.
याबाबतची अधिक माहिती अशी की, बेलापूर येथील कुरेशी यांचा मुलगा व त्यांचा भाचा हे दोघे मोटारसायकल ने या रस्त्यावरून जात असताना त्यांच्यावर बिबट्याने अचानक हल्ला केला. त्यामध्ये कुरेशी यांच्या मुलाच्या पायाला बिबट्याने चावा घेतल्याने त्याच्या पायाला मोठी जखम झाली आहे.
या घटनेला चार दिवस उलटूनही पिंजरा न लावल्याने, वन विभागाने तात्काळ बिबट्याचा बंदोबस्त करण्यासाठी पिंजरा लावावा या मागणी अशी मागणी ग्रामस्थांनी केली असून जर वनविभागाने बिबट्याचा बंदोबस्त केला नाही तर वनविभागाविरोधात अनेक सामाजिक संघटना रस्त्यावर उतरुन हार्ड आंदोलन करण्याच्या तयारीत आहेत.
