शिवप्रहार न्युज - तोंडे बांधून कत्तलीसाठी चाललेली ११ वासरांची गाडी पकडली...
Editor Chandu Aage 
तोंडे बांधून कत्तलीसाठी चाललेली ११ वासरांची गाडी पकडली...
श्रीरामपूर (शिवप्रहार न्युज)- श्रीरामपूर तालुक्यातील गुजरवाडी परिसरामध्ये आज गुरुवार दिनांक 14 मार्च 2024 रोजी दुपारी अडीच वाजताच्या सुमारास गुजरवाडी येथून बाहेर कत्तलीसाठी नेत असलेल्या वासरांची गाडी हिंदुत्ववादी कार्यकर्त्यांनी अडवली असता त्यावेळी या गाडीचा चालक पसार झाला.या पिकअप गाडीचा क्रमांक एम.एच.14 इएम 7973 असा आहे.
या गाडीमध्ये पाहिले असता ११ लहान वासरांना त्यांच्या तोंडाला काळी पट्टी बांधून त्यांची कत्तलीसाठी वाहतूक चाललेली होती. काळी पट्टी बांधल्याने वासरांना ओरडता-हंबरडा फोडता येत नव्हते. त्यामुळे तात्काळ श्रीरामपूर तालुका पोलिसांना पाचारण केले व पुढील कारवाई पोलीस करीत आहेत.
आरोपींवर कठोरात कठोर कारवाईची मागणी परिसरातील हिंदुत्ववादी तरुण करत आहे.
