शिवप्रहार न्यूज -नगर-औरंगाबाद हायवेवर अचानक मोटारसायकल समोर आलेल्या कुत्र्यामुळे चालकाचा मृत्यू..
Editor Chandu Aage 
नगर-औरंगाबाद हायवेवर अचानक मोटारसायकल समोर आलेल्या कुत्र्यामुळे चालकाचा मृत्यू...
शनिशिंगणापूर- शनी शिंगणापूर जवळ असणार्या वडाळा गावाच्या शिवारात श्री.दत्त वाशिंग सेंटर समोर नगर-औरंगाबाद हायवे ला औरंगाबाद कडून पुण्याकडे जात असताना पवन दशरथ लोंढे,वय 31 वर्ष,राहणार -सुदर्शन नगर, टीव्ही सेंटर, औरंगाबाद हा त्याच्या होंडा यूनिकॉर्न मो/सा वरून जात असताना अचानक कुत्रे आडवे आल्याने पवन याने त्याच्या ताब्यातील मोटरसायकलचा ब्रेक मारला. मोटरसायकलने कुत्र्याला धडक दिली व मोटारसायकल स्लीप होऊन पवन हा डांबरी रस्त्यावर जोरात पडला. रक्तबंबाळ अवस्थेतील पवनला स्थानिक लोकांनी औषधोपचार कामी दवाखान्यात नेले परंतु उपचारादरम्यान त्याचा मृत्यू झाला आहे. याबाबत शनिशिंगणापूर पोलीस ठाण्यात गुन्हा रजिस्टर नंबर 55/2021 कलम 304 अ,279,337,338,427 मोटार वाहन कायदा 184 प्रमाणे गुन्हा दाखल करण्यात आला आहे. पुढील तपास सहाय्यक फौजदार श्री.कटारे हे करीत आहेत.
