शिवप्रहार न्युज - श्रीरामपूर तालुक्यात अवैध दारूसह एकाला पकडले
Editor Chandu Aage 
श्रीरामपूर तालुक्यात अवैध दारूसह एकाला पकडले
श्रीरामपूर (शिवप्रहार न्युज)- श्रीरामपूर तालुक्यातील पढेगाव-मालुंजा रोडवर एकाला श्रीरामपूर तालुका पोलिसांनी अवैध देशी दारूसह पकडले आहे.
काल रविवार दि.२४ मार्च रोजी सायं. ५ च्या सुमारास अक्षय मधुकर जाधव, वय-२९, रा. पाथरे खुर्द, ता. राहुरी याला श्रीरामपूर तालुका पोलिसांनी पढेगाव-मालुंजा रोडवरील विठ्ठलवाडी परिसरात अवैधरित्या विक्री करण्यासाठी आणलेल्या देशी भिंगरी दारूच्या ९६ बाटल्या तसेच देशी बॉबी दारूच्या ९६ बाटल्या मोटारसायकलने घेऊन जाताना पकडले आहे. अक्षय जाधव याच्याकडून अवैध देशी दारूच्या बाटल्यांसह मोटारसायकल जप्त करण्यात आली आहे.
याप्रकरणी पोकॉ. थोरात यांनी फिर्याद दिल्यावरून श्रीरामपूर तालुका पोलिसांत अक्षय मधुकर जाधव याच्याविरूद्ध गुन्हा दाखल करण्यात आला आहे. सदरची कारवाई प्रशिक्षणार्थी सहायक पोलीस अधीक्षक जीवन बेनीवाल यांच्या मार्गदर्शनाखाली श्रीरामपूर तालुका पोलिसांनी केली आहे.
