शिवप्रहार न्यूज- संजयनगर, वार्ड नंबर ०२ मधून ०४ गायी चोरल्या…
Editor Chandu Aage 
संजयनगर, वार्ड नंबर ०२ मधून ०४ गायी चोरल्या…
श्रीरामपूर- श्रीरामपूर शहरातील वॉर्ड नंबर दोन भागातील संजयनगर परिसरामध्ये राहणारे राजकुमार सिताराम यादव यांच्या चार गायी काल राहत्या परिसरातून आज्ञात चोरट्यांनी चोरून नेल्या.
याबाबत अधिक माहिती अशी की,काल शनिवार दिनांक 30 जुलै रोजी सायंकाळी साडेचार ते पाच वाजताच्या सुमारास राजकुमार यादव हे त्यांच्या घराशेजारील परिसरात गाईंना चरण्यासाठी घेऊन गेले होते.त्यावेळेस त्यांना तहान लागल्यामुळे राजकुमार हे घरामध्ये पाणी पिण्यासाठी गेले.त्यादरम्यानच्या अर्ध्या तासाच्या कालावधीमध्ये चोरट्यांनी त्यांच्या दोन मोठ्या गाई(काळा पांढऱ्या रंगाच्या), एक कालवड व एक वघार अशा चार जनावरांना चोरून नेले.या गाईंची एकूण किंमत सुमारे दीड लाख रुपये इतकी आहे.
याबाबत राजकुमार यादव यांनी श्रीरामपूर शहर पोलीस स्टेशनला कळवले आहे.पोलीस पुढील कारवाई करत आहेत.यापूर्वी देखील या भागातून अशाच गाई चोरीच्या घटना घडल्या होत्या.परंतु त्या गाईंचा शोध लागला नाही.परिसरातील सीसीटीव्ही वगैरे चेक करून किमान या गाईंचा तरी शोध लागावा अशी मागणी सर्वसामान्य नागरिक श्री.यादव यांनी केली आहे.
