शिवप्रहार न्युज - दारू पाजली नाही म्हणून श्रीरामपुरात शिवीगाळ करून दांड्याने मारहाण...
Editor Chandu Aage 
दारू पाजली नाही म्हणून श्रीरामपुरात शिवीगाळ करून दांड्याने मारहाण...
श्रीरामपूर (शिवप्रहार न्युज)- दारू पाजण्यास नकार दिला म्हणून दोघांनी एकाला बेदम मारहाण करण्याचा प्रकार श्रीरामपूर शहरात घडला आहे.
याबाबत विकास रावसाहेब ढोकचौळे, वय ४१, रा. मोरगेवस्ती, श्रीरामपूर यांनी दिलेल्या फिर्यादीत म्हटले आहे की, सायंकाळी खंडाळा येथून आपल्या घरी जात असताना बाजारतळजवळ ओळखीचे संजय लोणकर व राजू शहाणे, दोघे रा. मोरगेवस्ती हे भेटले. तू आम्हाला दारू पाज असे ते मला म्हणाले. तेव्हा मी त्यांना समजावून सांगत असताना त्यांनी वाईटवाईट शिवीगाळ केली तसेच लोणकर याने हातातील लाकडी दांड्याने मारहाण केली तर शहाणे याने खाली पाडून लाथाबुक्क्यांनी मारहाण करत जिवे मारण्याची धमकी दिली. जखमी ढोकचौळे यांच्या फिर्यादीवरून संजय लोणकर (पुर्ण नाव माहीत नाही), राजू शहाणे (पुर्ण नाव माहीत नाही) यांच्याविरूद्ध भादंवि कलम ३२३, ३२४, ३२५, ३४, ५०४, ५०६ प्रमाणे गुन्हा दाखल करण्यात आला आहे.
जखमी ढोकचोळे यांना कदम हॉस्पीटल येथे उपचारासाठी दाखल करण्यात आले असून पुढील तपास श्रीरामपूर शहर पोलीस करीत आहेत.
