शिवप्रहार न्यूज- श्रीरामपुरातील उमद्या फोटोग्राफरचा गुलमोहर हॉटेल जवळ अपघातात दूर्देवी मृत्यू…
Editor Chandu Aage 
श्रीरामपुरातील उमद्या फोटोग्राफरचा गुलमोहर हॉटेल जवळ अपघातात दूर्देवी मृत्यू…
श्रीरामपूर - श्रीरामपूर शहरातील तरुण फोटोग्राफर व प्रसिद्ध आरजी फोटोग्राफीचे संचालक संतोष राजगुरू,वय-२४, राहणार- बजरंगनगर वार्ड नंबर सात ,बेलापूर रोड ,श्रीरामपूर यांचे आज शनिवारी सायंकाळी पावणे पाच वाजताच्या सुमारास गुलमोहर हॉटेल समोरील श्रीरामपूर- बाभळेश्वर रोडवर अपघाती निधन झाले.
दूध टँकर ने दिलेल्या धडकेमुळे मोटार सायकलवरील राजगुरू यांचा तोल गेला व ते टँकर खाली आले त्यामध्ये त्यांचा मृत्यू झाला.
संतोष राजगुरू यांच्या जाण्यामुळे एक युवा,उमदा आणि होतकरू फोटोग्राफरला श्रीरामपूर मुकले आहे.राजगुरू परिवारावर तर दुःखाचा डोंगर कोसळला आहे.त्यांना या दुःखातून सावरण्याची भगवंत शक्ती देवो ही बजरंगनगर व शहर भागातील सर्व मित्रपरिवारच्यावतीने प्रार्थना करण्यात येत आहे.
बेलापूर रोडवरील दत्ता फोटो स्टुडिओचे मालक दत्तात्रय राजगुरू यांचे ते चिरंजीव होते तर प्रसिद्ध फोटोग्राफर जगदीश राजगुरू यांचे ते बंधू होते.
