शिवप्रहार न्यूज - दोघा तरुणांचा गळफास! दोघींवर बलात्कार; पुण्याच्या तरुणास अटक!!

दोघा तरुणांचा गळफास! दोघींवर बलात्कार; पुण्याच्या तरुणास अटक!!

 श्रीरामपूर /शिर्डी /नगर (शिवप्रहार न्युज) श्रीरामपूर शहरातील वार्ड नंबर एक परिसरात राहणार ईशांत संजय जतवेजा या १९ वर्षाच्या तरुणाने राहत्या घरात गळफास घेतला त्याच्या नातेवाईकांनी तातडीने शहरातील साखर कामगार रुग्णालयात ईशांतला दाखल केले. तेथील डॉक्टरांनी तो मयत झाल्याची खबर शहर पोलीसांत दिली. याप्रकरणी अकस्मात मृत्यूची नोंद करण्यात आली असून या तरुणाने नेमका गळफास का घेतला याचा पुढील तपास पोनि.गवळी यांच्या मार्गदर्शनाखाली सफौ.हापसे हे करीत आहे. तसेच नगर - राहुरी रस्त्यालगत असलेल्या विळद पाण्याच्या टाकीजवळ राहणारा तरुण अवधूत पांडुरंग एडके वय-32 याने राहत्या घरात गळफास घेऊन आत्महत्या केली. या प्रकरणी एमआयडीसी पोलिसांत अकस्मात मृत्युची नोंद करण्यात आली असून सपोनी.सानप यांच्या मार्गदर्शनाखाली पोना.आव्हाड हे पुढील तपास करीत आहे. एका दिवसात दोन गळफासाच्या घटना घडल्या. 

  तर दुसऱ्या घटनेत राहता तालुक्यातील अस्तगाव फाटा येथे हॉटेल साई विश्व येथे आरोपी पोपट बाळासाहेब काळे राहणार-लोणी याने एका 38 वर्ष वयाच्या विवाहित महिलेबरोबर फेसबुक वर मैत्री करून मी तुला माझ्या हॉटेलात भागीदार करतो, माझी इच्छा पुरी कर, पत्नी सारखे राहा असे आमीष दाखवून महिलेवर हॉटेलच्या मागील खोलीत वेळोवेळी बलात्कार केला. महिला त्याला हॉटेलच्या कामात मदत करू लागली, मात्र नंतर त्या महिलेने कामाचे पैसे मागितले असता धमकी देऊन तुझ्या नवऱ्याला सांगेल, तुझी बदनामी करील, तुझे जीवन उध्वस्त करील असे सांगून धमकावले. पीडित महिलेने काल राहता पोलीसांत तक्रार दिल्यावर आरोपी पोपट बाळासाहेब काळे यांच्याविरुद्ध बलात्काराचा गुन्हा दाखल करण्यात आला असून, पोलीस निरीक्षक गायकवाड यांच्या मार्गदर्शनाखाली आरोपी काळेचा पोलीस शोध घेत आहे. 

   तिसऱ्या घटनेत पारनेर तालुक्यातील एका 14 वर्षे वयाच्या विद्यार्थिनीला पुणे जिल्ह्यातील जुन्नर तालुक्यातील पिंपरी झाप येथील आरोपी ऋषिकेश सखाराम शिंदे यांने तुझ्याशी लग्न करतो असे म्हणत त्याच्या चुलत मामाच्या खोलीवर नेऊन बळजबरीने 14 वर्षाच्या लहान मुलीवर बलात्कार केला. शाळेत जात असताना काल आरोपीने पारनेर तालुक्यातील फाट्या वरून अल्पवयीन विद्यार्थिनीला बळजबरीने दुचाकीवरून पळून नेले व चिंचोली घाटात भर दुपारी 1 वाजता तिच्यावर बलात्कार केला. या प्रकरणी पारनेर पोलीसांत विद्यार्थीनीच्या फिर्यादीवरून आरोपी विरुद्ध बलात्कार व पोस्को कायद्यांतर्गत गुन्हा दाखल झाला असून, पोलिसांनी तातडीने तपास चक्रे फिरवत आरोपी ऋषिकेश शिंदेला अटक केली आहे. पोनि.बळप यांच्या मार्गदर्शनाखाली सपोनि.वाघ हे पुढील तपास करत असल्याची माहिती पोलीस सूत्रांनी दिली.