शिवप्रहार न्युज - दरोड्यातील सराईत आरोपी पकडला; श्रीरामपूर तालुका पोलिसांची कारवाई...
Editor Chandu Aage 
दरोड्यातील सराईत आरोपी पकडला; श्रीरामपूर तालुका पोलिसांची कारवाई...
श्रीरामपूर (शिवप्रहार न्युज) - लोकसभा निवडणुकीच्या पार्श्वभूमीवर जिल्हयातील रेकॉर्डवरील फरार आरोपींचा सद्या पोलीस शोध घेत आहेत. भोकर येथील सराईत गुन्हेगाराला श्रीरामपूर तालुका पोलिसांनी भोकर गावातच पकडले आहे. भोकर येथील राहुल बापू आहेर हा रेकॉर्डवरील सराईत गुन्हेगार भोकर गावात असल्याची पोलिसांना माहिती मिळाली. पोलिसांच्या पथकाने भोकर येथील मराठी शाळेच्या बाजूला त्याला पकडले आहे. राहुल बापू आहेर या सराईत गुन्हेगारावर श्रीरामपूर तालुका पोलिसात तसेच नेवासा पोलिसात दरोडा, जबरी चोरी असे गंभीर स्वरूपाचे तीन गुन्हे दाखल आहेत.
सदरची कारवाई पोलीस अधीक्षक राकेश ओला, अपर पोलीस अधीक्षक वैभव कलुबर्मे, डिवायएसपी डॉ. बसवराज शिवपुजे यांच्या सूचनेनुसार व मार्गदर्शनाखाली श्रीरामपूर तालुका पोलीस ठाण्याचे परि. सहायक पोलीस अधिक्षक जीवन बेनीवाल, पोनि. दशरथ चौधरी, पोउनि. संजय निकम, पोहेकॉ. प्रशांत रणावरे यांनी केली आहे.
