शिवप्रहार न्यूज - गोंधवणीत लबडे व गवारे परिवारामध्ये मारामारी...
Editor Chandu Aage 
गोंधवणीत लबडे व गवारे परिवारामध्ये मारामारी...
श्रीरामपूर - श्रीरामपूर शहराजवळ असणाऱ्या गोंधवणी गावातील मावलाई मळा परिसरातील लबडे वस्ती येथे लबडे व गवारे कुटुंबात घरगुती कारणावरून मारामारी झाल्याची घटना घडली आहे.
याबाबत अधिक माहिती अशी की,चंद्रकांत गवारे व त्यांचे बंधू सुर्यकांत गवारे हे मामाच्या घरी जेवायला गेले असता आरोपी कैलास लबडे ,राहुल लबडे, नानासाहेब लबडे यांनी मिळून घरगुती कारणावरून गवारे बंधूंना लाकडी दांडा व ऊस तोडणीच्या कोयत्याने कानावर, अंगावर, डोक्यात जबर मारहाण करून शिवीगाळ केली. तसेच दमदाटी करून जीवे मारण्याची धमकी देखील दिली आहे.
या प्रकरणावरून श्रीरामपूर शहर पोलीस ठाण्याचे नुकताच गुन्हा रजिस्टर नंबर 476/2021 प्रमाणे मारामारीचा गुन्हा दाखल करण्यात आला आहे.
सहाय्यक फौजदार हापसे हे पुढील तपास करीत आहेत.सदरची घटना ही काही दिवसांपूर्वी घडली असून गुन्हा मात्र काल दाखल करण्यात आला आहे.
