शिवप्रहार न्युज - श्रीरामपूरात तरुणावर बिबट्याचा हल्ला! शेळीचे नरडे फोडले!!

श्रीरामपूरात तरुणावर बिबट्याचा हल्ला! शेळीचे नरडे फोडले!! 

श्रीरामपूर ( शिवप्रहार न्युज) काल दि.१६ जुलैच्या,मंगळवारच्या रात्री श्रीरामपूर शहरालगत असलेल्या ऐनतपूरशिवारात चारचाकी गाडीतून पोल्ट्री फार्मवर चालेला तरुण शेतकरी ऋषीकेश संदिप गायकवाड यांच्या गाडीवरच बिबट्याने हल्ला केला.बिबट्याच्या पंजाने संदीपचा टिर्शटफाटून हाताला वरखडा बसला.या थरारक घटनेने गायकवाडने न घाबरता गाडी पुढे नेली.अन्यथा जीवावर बेतले असते.काल रात्री ९-३० च्या सुमारास हि घटना घडली.

       तसेच रात्री पून्हा बिबट्याने याच भागात अरुण नारायण शेळके यांच्या शेळीचे नरडे फोडले.ती शेळी गंभीर जखमी असून तिची वाचण्याची शक्यता कमी आहे .शेतकरी ऋषीकेशचा गायकवाड यांनी जेष्ठ पत्रकार मनोज आगे यांना घटनेची माहीती दिली.आगेंनी वनरक्षक बडे यांना हि माहीती सांगीतली.याच परिसरात असलेल्या श्री.मनोज आगे यांच्या वळदगाव शिवारातील शिवशंकर मळ्यात बिबट्याने २ -३ कुत्रे मागे मारले होते.त्यामुळे येथे पिंजरा लावला असून बिबट्या पिंजऱ्या भोवती येवून जातो हे ठशावरून दिसून आले . तरी आगे यांनी गायकवाड यांना तातडीने पिंजरा घेवून जावा व तुमच्या शेतात लावावा असे सुचविले. 

       एकंदरच वळदगांव -ऐनतपूर शिवारात बिबट्याचा उपद्रव अनेक दिवसांपासून सुरु असून आता तर तरुण शेतकऱ्यावर हल्ला झाल्याने परिसरात खळबळ उडाली असून वनविभागाने अनेक ठिकाणी पिंजरे लावून या बिबट्याला पकडावे अशी संतप्त मागणी शेतकरी,नागरीकांनी केली आहे .