शिवप्रहार न्युज - नाशिकच्या पोलीस अकादमीत महिला पोलिसावर अत्याचार;आरोपी मूळचा श्रीरामपूरचा…

नाशिकच्या पोलीस अकादमीत महिला पोलिसावर अत्याचार;आरोपी मूळचा श्रीरामपूरचा…

श्रीरामपूर/नाशिक - मूळ श्रीरामपूर येथील असणाऱ्या सुमित राजुरे या कंत्राटी काम करणाऱ्या तरुणाने नाशिक येथील पोलीस अकादमीत महिला पोलिसावर अत्याचार केल्याचा खळबळजनक प्रकार घडला आहे.

सदर महिला पोलिसाला ०२ वर्षापासून हा कंत्राटी कर्मचारी तरुण लग्नाचे आमिष दाखवत होता. तिने लग्नाचा तगादा लावल्यानंतर तिला मारहाण करत त्याने आत्याचार केला. सदर तरुणाला नाशिकमधील गंगापूर पोलिसांनी अटक केल्याचे समजते. 

      याबाबतची अधिक माहिती अशी की,सदर महिला कर्मचारी या येथील पोलिस अकादमीमध्ये प्रशिक्षणार्थी उपनिरीक्षकांना कवायत शिकवतात. पीडितेच्या तक्रारीनुसार, गंगापूर पोलिस ठाण्यात अकादमीत तीन वर्षांपासून हाऊसकीपिंगचे(साफसफाई) काम करणारा कंत्राटी कर्मचारी सुमीत अनिल राजुरे (२३, मूळ रा.श्रीरामपूर, जि. नगर) याच्या विरोधात बलात्काराचा गुन्हा दाखल करण्यात आला आहे.पीडितेच्या फिर्यादीनुसार ती बुलडाण्याहून येथील अकादमीत प्रतिनियुक्तीवर आली आहे. सुमीतसोबतच्या ओळखीचे रूपांतर प्रेमात झाले. त्याने लग्नाचे आमिष देत फसवणूक केली. गुरुवारी शासकीय खोलीत त्याने जबरदस्ती केली. पीडितेने लग्नाचा तगादा लावल्याने त्याने तिथेच बेदम मारहाण केली. शेजारील पोलिसाने मध्यस्थीचा प्रयत्न केला असता सुमीतने त्यालाही धमकावले.

           तरी या अकादमीत शासनाच्या वेगवेगळ्या २० खात्यांतील अधिकाऱ्यांनाही प्रशिक्षण दिले जाते. पोलीस अधिकारी यांना प्रशिक्षण देणारी हि राज्यातील एकमेव संस्था आहे.१०० एकरांच्या येथील परिसरात सीसीटीव्ही व २४ तास पोलिस बंदोबस्त असतानाही हा प्रकार घडल्याने आश्चर्य व्यक्त होत आहे. १२५ वर्षांच्या अकादमीच्या कार्यकाळातील ही पहिलीच घटना आहे.