शिवप्रहार न्युज - पोस्टाने हेरोईन मागवणारा श्रीरामपुरात पकडला…
Editor Chandu Aage 
पोस्टाने हेरोईन मागवणारा श्रीरामपुरात पकडला…
श्रीरामपूर- श्रीरामपूर शहरातील गुन्हेगारांनी अंमली पदार्थसेवनात नवीनच कळस गाठल्याची घटना घडली आहे.यामध्ये श्रीरामपूर शहरातील वार्ड नंबर ०७ भागातील पूर्णवादनगर,पटेल हायस्कूल परिसरात राहणारा विक्रांत जालिंदर राऊत या आरोपीने पोस्टाने हेरोईन मागवले होते.याची खबर पोलिसांना मिळतात पोलिसांनी त्याला पकडून त्याच्यावर काल गुन्हा दाखल केला आहे. बारा हजार दोनशे रुपयांची हेरोईन पावडर पोलिसांनी जप्त केली आहे.
श्रीरामपुरातील गुन्हेगार व नशेडी पोरं आता हेरोइन या अंमली पदार्थांच्यापर्यंत पोहोचले असल्याने तरुणांच्या पालकांमध्ये चिंतेचे वातावरण पसरले आहे.कारण विक्रांत जालिंदर राऊत हा चांगल्या घरचा पोरगा बोगस संगतीमुळे नशेडी आरोपी बनल्याची परिसरात चर्चा आहे.
