शिवप्रहार न्यूज- श्रीरामपूर पोलिसांनी सराईत मोटरसायकल चोराला पकडले;१२ मोटारसायकली हस्तगत...
Editor Chandu Aage 
श्रीरामपूर पोलिसांनी सराईत मोटरसायकल चोराला पकडले;१२ मोटारसायकली हस्तगत...
श्रीरामपूर -श्रीरामपूर तालुका पोलीस ठाण्याचे पोलीस निरीक्षक श्री.मधुकर साळवे यांच्या मार्गदर्शनाखाली पोलीस उपनिरीक्षक श्री.बोरसे,सहाय्यक फौजदार आढागळे ,सहाय्यक फौजदार गोरे ,हवालदार शेख, हवालदार हबीब ,नाईक शेंगाळे, गोरे,लोंढे,गुंड,पठाण व शिपाई पठाण ,रणवरे यांच्या पथकाने सराईत मोटरसायकल चोर दत्तू सावळेराम पवार ,वय 29 वर्षे, राहणार- रांजणगाव, तालुका -राहता ,जिल्हा - नगर याला सापळा रचून पकडले.
श्रीरामपूर तालुका पोलीस ठाणे गुन्हा रजिस्टर नंबर 121/2021 मध्ये त्याला अटक केली असून तपासादरम्यान त्याने एकुण बारा मोटरसायकल चोरी केल्याचे सांगून त्या मोटरसायकली पोलिसांच्याकडे सुपूर्द केल्या.त्याने वाकडी,चितळी, राहता,शिर्डी या भागात मोटरसायकली चोरीचे गुन्हे केल्याचे सांगितले.
सराईत मो/सा चोर दत्तू पवार विरोधात एकूण सहा चोरी व घरफोडीचे गुन्हे यापूर्वी दाखल आहेत.
सदरची कामगिरी पोलीस अधीक्षक श्री.पाटील,अप्पर पोलीस अधीक्षक डॉक्टर दिपाली काळे व पोलिस उपअधीक्षक संदीप मिटके यांच्या मार्गदर्शनाखाली करण्यात आली.
