शिवप्रहार न्यूज- बेलापूर येथील व्यापारी गौतम हिरण खुन प्रकरणात एकाचा जामीन मंजूर…

बेलापूर येथील व्यापारी गौतम हिरण खुन प्रकरणात एकाचा जामीन मंजूर…

 श्रीरामपूर (प्रतिनिधी) येथील व्यापारी गौतम झुंबरलाल हिरण याच्या अपहरण व खून प्रकरणातील एका आरोपीला मुंबई उच्च न्यायालयाच्या संभाजीनगर खंडपिठाने ३० हजार रुपयांच्या जातमुचलक्यावर व इतर अटी व शर्तीसह जामीन मंजूर केला. 

व्यापारी गौतम झुंबरलाल हिरण दि. १ मार्च २०२१ रोजी आपल्या बेलापूर येथील दुकानावरून घरी परत न आल्यामुळे त्यांच्या भावाने पोलिसांत तक्रार दिली. दि. ७ मार्च २०२१ रोजी त्यांचा मृतदेह कुजलेल्या स्थितीत श्रीरामपूर ते वाकडी रोडलगत संशयास्पद परिस्थितीत मिळून आला होता. 

       पोलिसांनी सदरील गुन्ह्यामध्ये १५ आरोपींना अटक केली.सर्व आरोपींनी गौतम हीरण यांचे अपहरण केले व त्यानंतर छऱ्याच्या बंदुकीचा बट डोक्यात मारून त्यांचा खून केला व त्यांना रोडलगत फेकून दिले.

या गुन्ह्याच्या तपासाअंती पोलिसांनी आरोपी चव्हाण, नवनाथ निकम, आकाश खाडे, संदीप हांडे, जुनेद शेख यांच्याविरुध्द दोषारोपपत्र दाखल केले.     

       आरोपी नवनाथ धोंडू निकम याने अॅङ. गोविंद एम. शर्मा यांच्यामार्फत मुंबई उच्च न्यायलयाच्या संभाजीनगर खंडपीठात जामीन अर्ज दाखल केला. या जामीन अर्जावर दोन्ही पक्षाचे युक्तीवाद ऐकल्यानंतर न्यायमूर्ती श्री. एस. जी. मेहरे यांनी आरोपी नवनाथ धोंडू निकम याला ३० हजारांच्या जातमुचलक्यावर अटी-शर्तीसह जामीन मंजूर केला.