शिवप्रहार न्यूज- ५ हजार किलो गोमास; स्थानीक गुन्हे शाखेने पकडले!

५ हजार किलो गोमास; स्थानीक गुन्हे शाखेने पकडले!

नगर(शिवप्रहार न्युज)- ५ हजार किलो गोमांस भरलेला आयशर टेम्पो पकडून दोघांना ताब्यात घेत स्थानिक गुन्हे शाखेने मोठी कारवाई नगरमध्ये केली आहे.

 याबाबत अधिक माहिती अशी की, महाराष्ट्र राज्यात बंदी असलेले गोवंशीय जातीचे 14,50,000/- रु. किंमतीचे 5,000 किलो गोमास व आयशर टेम्पो चिचोंडी पाटील, ता. नगर येथे जप्त करत ही मोठी कारवाई केली आहे.

पोलिस अधिक्षक राकेश ओला साहेब यांनी पोनि अनिल कटके, स्थानिक गुन्हे शाखा, अहमदनगर यांना जिल्ह्यातील अवैध धंद्याचे समुळ उच्चाटन करण्याचे दृष्टीने माहिती घेवुन कारवाई करणे बाबत आदेश दिले होते.

 नमुद आदेशान्वये पोनि अनिल कटके, स्थानिक गुन्हे शाखा, यांनी स्थानिक गुन्हे शाखेतील सफौ/मनोहर शेजवळ, पोहेकॉ/संदीप घोडके, दिनेश मोरे, पोना/शंकर चौधरी, रवि सोनटक्के, संतोष लोढे, पोकॉ/सागर ससाणे, रोहित येमुल व चापोहेकॉ/उमाकांत गावडे यांना कळविले की, आताच गुप्तबातमीदारा मार्फत माहिती मिळाली की, तौफिक कुरेशी,नगर हा त्याचे हस्तका मार्फत नगर कडुन जामखेडच्या दिशेने एक लाल रंगाचा आयशर मधुन गोवंशीय जातीची जनावरांची कत्तल करुन गोमासची विक्री करण्याचे उद्देशाने आयशर टेम्पोमधुन वाहतुक करत आहे. आता गेल्यास मिळुन येईल अशी खात्रीशीर माहिती मिळाल्याने पोनि कटके यांनी लगेच आपल्या पथकास त्या ठिकाणी जावुन खात्री करुन कारवाई करणे बाबत आदेश दिले.

 स्थानिक गुन्हे शाखा पथकातील पोलीस अधिकारी व अंमलदार यांनी नगर तालुका पोलीस स्टेशनचे अंमलदार यांचे मदतीने नगर जामखेड रोडवरील चिचोंडी पाटील येथे जावुन रोडवर सापळा लावुन थांबलेले असतांना लाल रंगाचा टेम्पो येताना दिसला, टेम्पो चालकास बॅटरीने लाईट दाखवुन थांबण्याचा इशारा करताच त्याने सदर टेम्पो चालकाने टेम्पो रस्त्याचे कडेला उभा केला. लागलीच पथकातील अंमलदार यांनी टेम्पो चालकास व त्याचे शेजारी बसलेल्या इसमास ताब्यात घेवुन पोलीस पथकाची ओळख सांगुन त्यांचे नाव गांव विचारले असता त्याने 1) मोहसीन मेहमुद खान वय 40, रा. कोठला, अहमदनगर, 2) सलीम कलीम कुरेशी वय 34, रा. कुरेशी हॉटेल जवळ, अहमदनगर मुळ रा. बहिराईच, बरेली, जिल्हा लखनऊ, राज्य उत्तरप्रदेश असे असल्याचे सांगितले. पंचासमक्ष त्याचे आयशर टेम्पोची झडती घेतली असता टेम्पोमध्ये महाराष्ट्र राज्यात बंदी असलेले गोवंशी जातीची जनावरांचे गोमास व अर्धवट कापलेली गोवंशीय जनावरे दिसली. त्याचेकडे गोवंश कत्तल व वाहतुकी बाबत विचारपुस करता त्याने सदर गाडीमध्ये भरलेले गोमस हे 3) तौफिक कुरेशी व 4) अब्दुल बारी कुरेशी दोन्ही, अहमदनगर यांचे मालकीचे आहे व गोवंश जातीचे जनावरांची कत्तल करुन टेम्पो मधुन गोमास विक्री करीता घेवुन चाललो असल्याची कबुली दिली. ताब्यात घेतलेल्या आरोपींचे कब्जात 5,000 किलो गोमास व अर्धवट कापलेली गोवंशीय जनावरे व वाहतुकीसाठी वापरलेला लाल रंगाचा आयशर टेम्पो असा एकुण 14,50,000/- रु. किंमतीचा मुद्देमाल जप्त केला. सदर बाबत पोना/ रविकिरण बाबुराव सोनटक्के ने. स्थागुशा अहमदनगर यांचे फिर्यादी वरुन नगर तालुका पोलीस स्टेशन 811/2022 भादविक 269, 34 सह महाराष्ट्र पशुसंरक्षण (सुधारणा) अधिनियम कल 5 (क), 9 (अ) प्रमाणे गुन्हा दाखल करण्यात आला असुन, पुढील कारवाई नगर तालुका पोस्टे करीत आहे.

सदरची कारवाई राकेश ओला साो. पोलीस अधीक्षक, अहमदनगर, प्रशांत खैरे, अपर पोलीस अधीक्षक, अहमदनगर, अजीत पाटील, उपविभागीय पोलीस अधिकारी, नगर ग्रामिण विभाग यांचे सुचना व मार्गदर्शना खाली स्थानिक गुन्हे शाखेचे पोलीस अधिकारी व अंमलदार यांनी केली.