शिवप्रहार न्युज - राज्यस्तरीय शिवपुत्र महाराष्ट्र गौरव पुरस्कार पोनि.श्री.दिनेश आहेर,स्थानिक गुन्हे शाखा यांना प्रदान 

राज्यस्तरीय शिवपुत्र महाराष्ट्र गौरव पुरस्कार पोनि.श्री.दिनेश आहेर,स्थानिक गुन्हे शाखा यांना प्रदान 

नगर/नाशिक-

       शिवपुत्र छत्रपती संभाजीराजे बहुउद्देशीय संस्था, नाशिक या राष्ट्रीय उपक्रमशील संस्थेच्या मार्फत सामाजीक, शैक्षणिक, सांस्कृतिक, उदयोजक, राजकीय व प्रशासकीय क्षेत्रात उल्लेखनीय कार्य करणाऱ्या व्यक्तींना सामाजिक कृतज्ञता म्हणुन राज्यस्तरीय शिवपुत्र महाराष्ट्र गौरव पुरस्कार सन 1998 पासुन देण्यात येत आहे.  

       सन 2023-2024 वर्षाचा राज्यस्तरीय शिवपुत्र महाराष्ट्र गौरव पुरस्कार संस्थेच्या वतीने या वर्षी महाराष्ट्र पोलीस दलामध्ये उल्लेखनीय कामगिरी करणारे पोलीस निरीक्षक श्री.दिनेश आहेर, स्थानिक गुन्हे शाखा, अहिल्यानगर यांना जाहीर करण्यात आला. संस्थेमार्फत शिवपुत्र महाराष्ट्र गौरव पुरस्कार प्रदान सोहळा 25 जानेवारी 2025 रोजी महाकवी कालिदास कलामंदीर,शालीमार, नाशिक या ठिकाणी सकाळी 11.00 वा.आयोजीत करण्यात आला. 

      शिवपुत्र महाराष्ट्र गौरव पुरस्कार प्रदान सोहळा कार्यक्रम मा.श्री.डॉ.सुधीर तांबे, मा.विधान परिषद सदस्य, महाराष्ट्र राज्य याचे अध्यक्षतेखाली संपन्न झाला. 2023-2024 वर्षाचा राज्यस्तरीय शिवपुत्र महाराष्ट्र गौरव पुरस्कार मा.डॉ.बी.जी.शेखर पाटील, मा.विशेष पोलीस महानिरीक्षक, नाशिक तथा साहित्य व सांस्कृतिक मंडळ संविधानिक सदस्य,महाराष्ट्र राज्य व वीरपत्नी सन्मा.हर्षदाताई खैरनार यांचे शुभहस्ते पोलीस निरीक्षक श्री.दिनेश आहेर, स्थानिक गुन्हे शाखा यांना प्रदान करण्यात आला.कार्यक्रमास प्रमुख अतिथी म्हणुन मा.श्री.रविंद्र जाधव, आयुक्त,मालेगाव महानगरपालीका व मा.श्री.संतोष मराठे, सामाजिक कार्यकर्ते बोईसर, मुंबई हे उपस्थित होते. 

       पुरस्कार प्रदान सोहळयामध्ये पुरस्कार स्विकारून पोलीस निरीक्षक श्री.दिनेश आहेर यांनी आपले मनोगत व्यक्त केले.तसेच पुरस्कार प्रदान करून सन्मानित केलेबाबत शिवपुत्र छत्रपती संभाजीराजे बहुउद्देशीय संस्थेचे अध्यक्ष व पदाधिकारी यांचे आभार व्यक्त केले.