शिवप्रहार न्यूज- आयपीएल मध्ये कोरोना घुसला; आयोजकांचा आयपीएल रद्दचा फैसला... सर्वसामान्यांच्या मुड हाफ ...
Editor Chandu Aage 
दिल्ली- आयपीएल-२०२१ चा हंगाम तात्पुरत्या कालावधीसाठी स्थगित करण्यात आला आहे. आयपीएल मधील बहुतेक खेळाडूंना कोरोना ची लागण झाल्याने आयपीएलचा हंगाम तात्पुरता स्थगित करत असल्याची घोषणा बीसीसीआयचे उपाध्यक्ष राजीव शुक्ला यांनी केली आहे.आयपीएल मधील सनरायझर्स हैदराबाद च्या रीद्धिमान सहा , कोलकत्ता नाईट रायडर्सच्या वरून चक्रवर्ती ,संदीप वॉरियर, दिल्ली कॅपिटल्स च्या अमित मिश्रा ,चेन्नई सुपर किंग्स चा बॉलींग कॉच लक्ष्मीपती बालाजी यांच्यासह बहुतेक संघातील खेळाडूंना कोरोना ची बाधा झाल्याने आयपीएल तात्पुरते स्थगित करण्यात आले.सध्या कोरोना लॉक डाऊन चालू आहे आणि त्यामुळे सर्वसामान्य नागरिक घरामध्ये बसून आहेत. अशावेळी सर्वसामान्यांचा मनोरंजनाचा /टाईमपासचा मोठा आधार असलेला आयपीएल कार्यक्रम रद्द करण्यात आल्याने क्रिकेट प्रेमी आणि सर्वसामान्य नागरिकांना कडून खेद व्यक्त होत आहे.
