शिवप्रहार न्यूज- सर्वांनाच अनुदानाचा लाभ मग समाजात चौथा स्तंभ म्हणून  ओळखल्या जाणार्या  पत्रकारांना मानधन का नको ? महाराष्ट्र संपादक व पत्रकार सेवा संघाचे नूतन जिल्हाध्यक्ष ज्येष्ठ पत्रकार मनोजकुमार आगे यांचा सवाल...

सर्वांनाच अनुदानाचा लाभ मग समाजात चौथा स्तंभ म्हणून  ओळखल्या जाणार्या  पत्रकारांना मानधन का नको ? महाराष्ट्र संपादक व पत्रकार सेवा संघाचे नूतन जिल्हाध्यक्ष ज्येष्ठ पत्रकार मनोज कुमार आगे यांचा सवाल...

बेलापूर-
पत्रकार मनोज आगे यांची संपादक पत्रकार सेवा संघ महाराष्ट्र राज्याच्या अहमदनगर जिल्हाध्यक्ष म्हणून निवड झाल्याबद्दल बेलापुर व परिसरातील पत्रकारांच्या वतीने आयोजित सत्कार समारंभात ते बोलत होते.कार्यक्रमाच्या अध्यक्षस्थानी पत्रकार अशोकराव गाडेकर हे होते तर प्रमुख आतिथी म्हणून नरेंद्र लचके जेष्ठ पत्रकार मारुती राशिनकर उपस्थित  होते.    
      सत्काराला उत्तर देताना जिल्हाध्यक्ष मनोज आगे पुढे म्हणाले की म्हणाले की,खासदार,आमदार लोकांसाठी काम करतात पोलीस अधिकारी विविध खात्यातील सरकारी कर्मचारी जनतेसाठी काम करतात त्यांना पगार मिळतो,मानधन मिळते मग पत्रकारही सतत जनतेचे प्रश्न सोडविण्यासाठी वेळेचे आपल्या जिवाची पर्वा न करता लढत असतात यंत्रणेतील दोष जनतेसमोर आणण्याची ताकद फक्त पत्रकारातच आहे .हे त्रिवार सत्य असतांनाही सर्वांना सेवानिवृत्ती वेतन मिळते विविध क्षेत्रातील लोकांना अनुदान मिळते मग जनतेसाठी काम करणाऱ्या पत्रकारांना अनुदान मिळण्यापासून वंचित का ?असा सवाल करुन आपल्याला मिळालेल्या पदाचा उपयोग पत्रकारांच्या हितासाठी करणार असल्याची ग्वाही आगे यांनी दिली.   जिल्ह्यातील ज्येष्ठ व ज्या पत्रकारांनी सतत पंधरा वर्षे पत्रकारिता केली अशा पत्रकारांना संघटनेच्या माध्यमातून सरकारी पातळीवर मदत मिळवून देण्यासाठी प्रयत्न केले जातील अधिस्विकृती  कार्ड मिळविण्यासाठी अनेक पत्रकारांनी प्रयत्न केले मात्र  किचकट नियमांमुळे  शासनाचे पत्रकारितेचे कार्ड काही ठराविक पत्रकार वगळता कुणालाही मिळाले नाही मिळू शकले नाही.ग्रामीण भागातील पत्रकारांनाही यासाठी संघटनेच्या माध्यमातून राज्याध्यक्ष किसन भाऊ याच्या नेतृत्वाखाली न्याया मिळवून देवू असेही आगे म्हणाले.यावेळी व्यापारी असोसिएशनचे प्रशांत लड्डा, गणेश लड्डा यांनीही सत्कार केला
[ यावेळी बेलापूर पंचक्रोशीतील पत्रकार व बाजार समिती व्यापारी असोसिएशन यांच्या वतीने श्री.आगे यांचा सत्कार करण्यात आला.या वेळी मनोगत देविदास देसाई ,ज्ञानेश गवले, नरेद्र लचके, नवनाथ कुताळ,दिपक क्षत्रिय,अशोकराव गाडेकर आदिंनी मनोगत व्यक्त केले. सुनील नवले,दिलीप दायमा,सुहास शेलार ,बाबा शेख,किशोर कदम,दीपक क्षत्रीय,गोविंद साळुंके,अशोक शेलार,शरद थोरात,अभिजित रांका,अतिश देसर्डा  उपस्थित होते.