शिवप्रहार न्यूज- ज्येष्ठ नेते माजी नगरसेवक,माजी संचालक यादवराव लबडे यांचे निधन...
Editor Chandu Aage 
ज्येष्ठ नेते माजी नगरसेवक,माजी संचालक यादवराव लबडे यांचे निधन...
श्रीरामपूर - तालुक्यातील काँग्रेसचे ज्येष्ठ नेते श्री. यादवराव लबडे यांचे आज रोजी अल्पशा आजाराने दुःखद निधन झाले. त्यांचे वय ८० वर्ष इतके होते. आपल्या जीवनाच्या शेवटच्या क्षणापर्यंत श्री.यादवराव लबडे हे काँग्रेसशी एकनिष्ठ होते. आपल्या राजकीय कारकिर्दीमध्ये त्यांनी श्रीरामपूर पालिका नगरसेवक,श्रीरामपूर जिल्हा दूध मध्यवर्ती संघाचे संचालक पद तसेच इतरही पदे भूषवली होती. वार्ड नं.०७ मधील बजरंग नगर भागातील प्रसिद्ध दक्षिण मुखी हनुमान मंदिराच्या निर्मितीमध्ये श्री.यादवराव लबडे यांचा सिंहाचा वाटा होता.
यादवराव लबडे हे अतिशय धार्मिक आणि मनमिळावू स्वभावाचे होते. त्यांच्या निधनामुळे दक्षिणमुखी हनुमान मंदीर, बजरंगनगर भागात तसेच लबडे वस्ती परिसरात मोठी हळहळ व्यक्त होत आहे.
“शिवप्रहार न्युज” कडुन स्वर्गवासी श्री.यादवराव लबडे यांना भावपूर्ण श्रद्धांजली.
