शिवप्रहार न्यूज- उधारीने घेतलेले पैसे परत दिले नाही म्हणून तरुणाचा लाथाबुक्या मारुन खून
Editor Chandu Aage 
उधारीने घेतलेले पैसे परत दिले नाही म्हणून तरुणाचा लाथाबुक्या मारुन खून...
पाथर्डी- पाथर्डी तालुक्यातील लोहसर खांडगाव या गावात राहणारे इसम नामे सुदाम विक्रम गीते ,वय 37 वर्ष यांनी दारू पिण्यासाठी उधारीने घेतलेले पैसे परत दिले नाही. या कारणावरून आरोपी दत्तात्रय भाऊसाहेब वांडेकर, किरण सखाराम वांडेकर, राहणार- लोहसर खांडगाव, तालुका पाथर्डी या दोघांनी मिळून सुदाम यांना लाथाबुक्क्यांनी छातीत, पोटात तसेच खांद्यावर जोरात मारहाण केल्यामुळे सुदाम हे त्या मारहाणीत मयत झाले. म्हणून सुदाम याचे भाऊ फिर्यादी श्री.आदिनाथ विक्रम गीते ,वय 42 ,धंदा -शेती यांच्या फिर्यादीवरून पाथर्डी पोलीस ठाण्यात गुन्हा रजिस्टर नंबर 295 /2021 भादवि कलम 302 ,34 प्रमाणे खुनाचा गुन्हा दाखल करण्यात आला आहे.
या गुन्ह्याचा तपास पाथर्डी पोलिस स्टेशनचे सहाय्यक पोलीस निरीक्षक श्री. जावळे हे करीत आहेत. उधारीच्या पैशावरून सदरचा खून करण्याची घटना घडल्यामुळे पाथर्डी परिसरात मोठी खळबळ उडाली आहे.
