शिवप्रहार न्यूज - श्रीरामपुरात तरुणाचा खून; टोमणे मारल्याने दोघांनी खून केल्याची चर्चा...

श्रीरामपुरात तरुणाचा खून; टोमणे मारल्याने दोघांनी खून केल्याची चर्चा...

श्रीरामपूर (शिवप्रहार न्युज)-श्रीरामपूर शहरात वार्ड नंबर एक गोंधवणी रोड परिसरात काल रात्री तन्वीर शहा या तरुणाचा याच भागात राहणाऱ्या दोघा तरुणांनी धारदार चॉपरनी वार करून जागीच खून केला. रक्तभंबाळ अवस्थेत तन्वीर खाली कोसळला त्यानंतर तिथून आरोपी पसार झाली अशी प्राथमिक माहिती हाती आली असून घटनेची खबर मिळताच पोलीस निरीक्षक हर्षवर्धन गवळी यांनी घटनास्थळी फौजफाट्यासह भेट दिली. या प्रकरणी आरोपी रुपेश शिंदे, सुनील देवकर या दोघांविरुद्ध श्रीरामपूर शहर पोलिसांत खुनाचा गुन्हा दाखल करण्यात आला असून काहीतरी किरकोळ कारणातून शिवीगाळ होवून हा प्रकार घडला असल्याचे समजते. याप्रकरणी पोलीस निरीक्षक हर्षवर्धन गवळी यांच्या मार्गदर्शनाखाली पोलीस आरोपींना अटक कराण्यात आली आहे. दरम्यान मयत व दोघे आरोपी हे एकाच भागात राहणारे असून त्यांची एकमेकांशी ओळख असून ते मित्र आहे पंधरा दिवसापूर्वीच एका आरोपीचे एका तरुणी बरोबर लव्ह मॅरेज करून लग्न झाले होते यावरून मयत तनवीर शाह तिच्याबद्दल टोमणे मारायचा हे खटकल्यानेच आरोपींनी चॉपरने खून केल्याची प्राथमिक माहिती पोलीस सूत्रांनी सांगितले, दरम्यान या घटनेने नोंदणी परिसरात व शहरात खळबळ उडाली आहे. मयत आरोपीवर अनेक गुन्हे दाखल असून ज्यांनी खून केला त्यांच्यावरही गुन्हे दाखल असल्याचे पोलीस निरीक्षक गवळी यांनी सांगितले.