शिवप्रहार न्यूज - संभाजीनगरला खुन करुन आलेला आरोपी श्रीरामपूर तालुका पोलीसांनी ०४ तासात धरला...

संभाजीनगरला खुन करुन आलेला आरोपी श्रीरामपूर तालुका पोलीसांनी ०४ तासात धरला...

श्रीरामपुर-आज दि. 29.12.2022 रोजी प्रभारी अधिकारी सपोनि ज्ञानेश्वर थोरात श्रीरामपुर तालुका पोलीस ठाणे, यांना पोनि. सचिन इंगोले, वांळुज पोलीस ठाणे संभाजीनगर शहर यांनी कळविले की, वाळुज पोलीस ठाणे गुन्हर रजि नंबर 401 / 2022 भा.द.वि.क. 302 वगैरे गुन्हयातील आरोपी नामे सचिन शामराव नाटकर, रा भोकर, ता श्रीरामपुर, जि अहमदनगर याने 12 वर्षापुर्वी त्याच्या बहिणला पळवुन नेण्याचे कारणावरुन इसम नामे. बाबासाहेब छबुराव खिलारे ,रा -भोकर ,ता श्रीरामपुर ,जि अहमदनगर याचा आज दि. 29.12.2022 रोजी सांय 05.00 वा चे सुमारास खुन केला आहे. आरोपी सचिन शामराव नाटकर रा भोकर ता श्रीरामपुर जि अहमदनगर येथे राहणारा आहे. 

     त्याचा शोध घेण्यास कळविले असता, सदर आरोपी बाबत आम्हास गुप्त बातमीदारा मार्फत माहिती मिळाली की, आरोपी नामे सचिन शामराव नाटकर, रा भोकर ,ता श्रीरामपुर जि अहमदनगर हा त्याची मोटार सायकलने नेवासा कडुन भोकर ता श्रीरामपुर येथे जात आहे. त्यावरुन आरोपीचा भोकर ते खोकर फाटा परिसरात शोध घेत असताना सदरचा आरोपी श्रीरामपुर कडे जाणारे रोडजवळ दिसला तेव्हा सदर आरोपीस आमची चाहुल लागताच तो शेजारचे ऊसाचे शेतात पळुन जात असताना त्याचा पाठलाग करुन पथकातील अधिकारी व अंमलदार यांनी मोठया शिताफीने 19 / 15 वा सुमा. ताब्यात घेवुन श्रीरामपुर तालुका पोलीस स्टेशन येथे आणले आहे. 

     सदर अरोपीचे नाव व पत्ता विचारले असता त्याचे नाव सचिन शामराव नाटकर वय 24 वर्षे धंदा मजुरी, रा भोकर ता श्रीरामपुर जि अहमदनगर असे असल्याचे सांगितले असुन त्यास हिरो स्प्लेंडर मोटार सायकल नंबर MH 15 AN 6285 आरोपी व वाहनासह पोनि. श्री सचिन इंगोले व पथक वाळुज पोलीस स्टेशन जि. संभाजी नगर यांचे गुन्हयाचे तपासकामी ताब्यात देण्यात आले आहे.

     सदरची कामगीरी मा. श्री. राकेश ओला साहेब, पोलीस अधीक्षक अहमदनगर, मा. स्वाती भोर मॅडम, अपर पोलीस अधीक्षक श्रीरामपुर आणि मा. श्री. संदिप मिटके साहेब, उपविभागिय पोलीस अधिकारी, श्रीरामपुर विभाग यांचे सुचना व मार्गदर्शनाखाली श्रीरामपुर तालुका पोलीस स्टेशनचे श्री. ज्ञानेश्वर थोरात, सहा. पोलीस निरीक्षक, पोलीस उपनिरीक्षक संजय निकम व अतुल बोरसे, सफौ / हबीब अली, पोना / अनिल शेंगाळे, पोना/ प्रंशात रणनवरे, पोकॉ/ संदिप पवार यांनी केली आहे.