शिवप्रहार न्यूज - दुचाकी-क्रूझरच्या अपघातात तरूणाचा दुर्दैवी मृत्यू
Editor Chandu Aage 
दुचाकी-क्रूझरच्या अपघातात तरूणाचा दुर्दैवी मृत्यू
श्रीरामपूर (शिवप्रहार न्यूज)- श्रीरामपूर-लोणी रोडवर प्रभात डेअरी जवळ दर्ग्यासमोर दुचाकी आणि क्रुझर चा अपघात होऊन दुचाकीवरील रांजणखोल येथील विवाहित तरुणाचा दुर्दैवी मृत्यू झाला आहे.
याबाबत अधिक माहिती अशी की, आज दुपारी प्रभात डेअरी च्या पाठीमागे रांजणखोल येथे राहणारा सौरभ अशोक ढोकचौळे (वय-२७)हा तरूण श्रीरामपूर कडून खंडाळ्याच्या दिशेने मोटरसायकलवर जात असताना भरधाव वेगात बाबळेश्वर च्या दिशेने येणाऱ्या क्रुझर गाडीची सौरव च्या मोटरसायकल धडक बसली. या दुर्दैवी अपघातात सौरभचा जागीच मृत्यू झाला.
सौरभच्या पश्चात आई, वडील, एक मुलगा, एक मुलगी, पत्नी असा परिवार आहे. सौरभच्या अचानक अपघाती निधनाने परिसरात शोककाळा पसरली आहे.
श्रीरामपूर तालुक्यात अशोकनगर-वळदगाव रोडवर दोनच दिवसांपूर्वी ट्रॕक्टरचा अपघात होवून बाप-लेकीचा दुर्दैवी मृत्यू झाला होता.
