शिवप्रहार न्यूज - श्रीरामपूर शहरात ०३ दिवस पाणीपुरवठा नाही...
Editor Chandu Aage 
श्रीरामपूर शहरात ०३ दिवस पाणीपुरवठा नाही...
श्रीरामपूर - श्रीरामपूर शहरात ०३ दिवस पाणीपुरवठा होणार नसल्याची माहिती निवेदनाद्वारे नगरपालीकेकडून प्रसातिर करण्यात आली आहे.हे निवेदन खालीलप्रमाणे आहे.
शहरातील सर्व नागरिकांना या निवेदनाद्वारे सुचित करण्यात येते की, जलशुद्धीकरण केंद्र येथील अत्यावश्यक तांत्रिक दुरुस्तीसाठी जलशुद्धीकरण केंद्र किमान तीन दिवस बंद ठेवणे अनिवार्य असल्यामुळे तसेच शहरातील विविध भागात असणाऱ्या जलकुंभांच्या साफसफाईसाठी गुरूवार दिनांक ९/२/२०२३ पासून शनिवार दिनांक ११/२/२०२३ पर्यंत संपूर्ण शहराचा पाणी पुरवठा खंडित राहणार आहे. दुरुस्तीचे काम युद्धपातळीवर केले जाणार असून काम लवकर पूर्ण झाल्यास तातडीने पाणीपुरवठा नियमितपणे सुरु करण्यात येईल.
तरी नागरिकांनी उपलब्ध पाण्याचा काटकसरीने वापर करावा. तसेच
घरपट्टी व पाणीपट्टी नियमित भरून सहकार्य करावे असे आवाहन नगरपालीका प्रशासक तथा श्रीरामपूरचे प्रांताधिकारी श्री.अनिल पवार व मुख्याधिकारी श्री.गणेश शिंदे यांनी केले आहे.
