शिप्रहार न्यूज- रंग घेऊन चाललेल्या विद्यार्थिनीला ओढून बलात्कार! डॉबरमॅन कुत्र्याची धार धार हत्याराने हत्या!! मुलीस पळविले!!!   

रंग घेऊन चाललेल्या विद्यार्थिनीला ओढून बलात्कार! डॉबरमॅन कुत्र्याची धार धार हत्याराने हत्या!! मुलीस पळविले!!!

नगर/राहुरी (शिवप्रहार न्यूज)- नगर जिल्ह्यातील पाथर्डी तालुक्यातील एक चौदा वर्षाची विद्यार्थिनी धुलीवंदन सण असल्याने रंग आणण्यासाठी किराणा दुकानात गेली होती. रंग घेऊन घरी जात असताना भर रत्यावर या अल्पवयीन विद्यार्थिनीला आरोपी पप्पू व सुनील या दोघांनी बळजबरीने धरून ओढत पप्पू यांच्या घरात नेले, पप्पूने बाहेरून घराला कडी लावली आत मध्ये आरोपी सुनीलने 14 वर्षाचे विद्यार्थिनीवर तिच्या इच्छेविरुद्ध बळजबरीने बलात्कार केला. या घटनेने पाथर्डी तालुक्यात खळबळ उडाली असून विद्यार्थिनीच्या फिर्यादीवरून पप्पू व सुनील दोघे रा-जोगेवाडी यांच्याविरुद्ध बलात्कार व पोस्को कायद्याअंतर्गत कलमाप्रमाणे गुन्हा दाखल करण्यात आला असून पोनि मुटकुळे यांच्या मार्गदर्शनाखाली पोलीस आरोपींचा शोध घेत आहे.

   दुसऱ्या घटनेत राहुरी तालुक्यातील कोळपेवाडी भागात राहणाऱ्या १७ वर्षे वयाच्या अल्पवयीन विद्यार्थिनीला भर दिवसा दहा ते एकच्या दरम्यान घरातून कुणीतरी अज्ञात आरोपींनी पळून नेले आहे. मुलीच्या वडिलांनी राहुरी पोलीसांत तक्रार दिल्यावर अज्ञात आरोपी विरुद्ध गुन्हा दाखल झाला असून पोनि डांगे यांच्या मार्गदर्शनाखाली पोलीस विद्यार्थिनीचा व आरोपीचा कसून शोध घेत आहे. या घटनेने राहुरी तालुक्यात पालक वर्गात खळबळ उडाली आहे.

   तिसऱ्या घटनेत श्रीगोंदा तालुक्यात वडाळी येथे लिंबाच्या शेतात पहाटेच्या सुमारास डॉबरमॅन जातीच्या कुत्र्याला अज्ञात आरोपीने हत्याराने वार करून जीवे ठार मारले. पल्लवी परशुराम कांडेकर या तरुणीने श्रीगोंदा पोलिसांत फिर्याद दिल्यावरून अज्ञात आरोपी विरुद्ध कलम 429 प्रमाणे गुन्हा दाखल करण्यात आला असून पोनी.भोसले यांच्या मार्गदर्शनाखाली कुत्र्याची हत्या करणाऱ्या आरोपीचा पोना पुरान हे पुढील तपास करीत आहे.