शिवप्रहार न्यूज- वळदगाव बंधाऱ्यात प्रवरा नदीत पडून एकाचा मृत्यू...

शिवप्रहार न्यूज- वळदगाव बंधाऱ्यात प्रवरा नदीत पडून एकाचा मृत्यू...

बेलापुर (प्रतिनिधी )-येथील वळदगाव बंधाऱ्यावरुन पडून चांदेगाव येथील एका इसमाचा मृत्यू झाला असुन या घटनेमुळे बंधाऱ्याच्या कठड्याचा प्रश्न पुन्हा ऐरणीवर आला आहे प्रवरा नदीवर वळदगाव बंधाऱ्याचे कठडे अज्ञात इसमांनी चोरुन नेल्यामुळे बंधाऱ्यावरुन प्रवास करणे धोक्याचे झाले होते या बाबत ग्रामस्थांनी वेळोवेळी मागणीही केली होती काही नागरीक या बंधाऱ्यावर पडून जखमीही झाले होते. अखेर या बंधाऱ्याने चांदेगाव येथील रंगनाथ गोविंद वायदंडे हे सायकल वरुन बंधारा पार करत असताना तोल जावून खाली पडले त्यांच्या डोक्याला जबर मार लागल्यामुळे त्यांना तातडीने दवाखान्यात दाखल केले परंतु त्यांचे निधन झाले .मयत रंगनाथ वायदंडे हे सायकल वरुन बेलापुरकडे येत होते अचानक त्यांचा तोल जावुन ते खाली फळ्या टाकण्याच्या कठड्यावर पडले त्यांच्या डोक्याला व पायाला गंभीर ईजा झाली होती .आसपासच्या नागरीकांनी त्यांना तातडीने बाहेर काढले त्यांना तातडीने प्रवरा मेडीकल हाँस्पीटल येथे दाखल करण्यात आले परंतु डोक्याला गंभीर मार लागल्यामुळे त्यांना शिर्डी येथील साईबाबा रुग्णालयात हलविण्यात आले मात्र उपचार सुरु असतानाच त्यांची प्राणज्योत मालवली .या बंधाऱ्याचे कठडे तातडीने बसविले नाही तर आंदोलन करण्याचा इशारा विक्रम नाईक यांनी दिला आहे.