शिवप्रहार न्यूज - श्रीरामपूरात कॉलेजबाहेर तरुणाला बेदम मारहाण 

श्रीरामपूरात कॉलेजबाहेर तरुणाला बेदम मारहाण 

श्रीरामपूर (शिवप्रहार न्युज) - श्रीरामपूर शहरातील डाकले कॉलेजच्यासमोर पेपर संपल्यानंतर बाहेर आलेल्या विद्यार्थ्याला व त्याच्या मित्राला बेदम मारहाण करण्याचा प्रकार काल सायंकाळी घडला. याबाबत निरंजन महादेव गाडे, वय १८, - धंदा-शिक्षण, रा. सरस्वती कॉलनी, देवकरवस्ती, वार्ड नं. ७, श्रीरामपूर या विद्यार्थ्याने दिलेल्या फिर्यादीत म्हटले आहे की, काल दि. १३ मार्च रोजी सायं. ६ च्या सुमारास मी व माझा मित्र प्रसाद असे दोघे पेपर संपल्यानंतर सी.डी. जैन कॉलेज, वार्ड नं. १, श्रीरामपूर या कॉलेजसमोर गेटच्या बाहेर आलो असता आफताब, सोफीयान, आदित्य व त्याचा मित्र आणि मोसीन व आणखी एक अनोळखी मुलगा, सर्व रा. वॉर्ड नं. २, श्रीरामपूर हे त्या ठिकाणी आले व आपणास शॉकपच्या पाईपने मारहाण करण्यास सुरूवात केली. आपल्या पाठीवर रॉडने मारून एकाने हाताच्या उजव्या अंगठयाजवळ चाकूसारख्या हत्याराने दुखापत केली. त्याचबरोबर आपला मित्र प्रसाद यालाही हातावर व 'डोक्यावर मारहाण केल्याचे निरंजन गाडे याने फिर्यादीत म्हटले आहे. याप्रकरणी गाडे याच्या फिर्यादीवरून पोलिसांनी आफताब, सोफीयान, आदित्य व त्याचा मित्र आणि मोसीन व आणखी एक अनोळखी मुलगा, सर्व रा. वार्ड नं. २, श्रीरामपूर यांच्याविरोधात भादंवि कलम ३२४, ३२३, ५०४, ५०६, १४३, १४७, १४८, १४९ प्रमाणे श्रीरामपूर शहर पोलिसात गुन्हा दाखल केला आहे. पुढील तपास पोनि.गवळी यांच्या मार्गदर्शनाखाली सपोनि.पाटील हे करीत आहेत.