शिवप्रहार न्युज - दुचाकींच्या धडकेत एक ठार; एक गंभीर...
Editor Chandu Aage 
दुचाकींच्या धडकेत एक ठार; एक गंभीर...
श्रीरामपूर (शिवप्रहार न्युज)- बेलापूरात पेट्रोल पंपासमोर दुचाकी ढकलत घेऊन जाणाऱ्याला दुचाकीने धडक देऊन आज सायंकाळी ४ः३० च्या सुमारास झालेल्या अपघातात एक जण ठार तर एक गंभीर जखमी झाला आहे.
याबाबत अधिक माहिती अशी की,श्रीरामपुर शहरातील मोरगे वस्ती येथील चंद्रकांत माधव बाहुले हे आपल्या दुचाकीवरून श्रीरामपुरहून बेलापुरकडे जात असताना त्यांच्या दुचाकीचे पेट्रोल संपल्यामुळे ते गाडी ढकलत पायी घेऊन चालले होते. ओम साई पेट्रोल पंपाजवळ बजाज डिस्कव्हर गाडी नंबर एम एच १७ऐ डब्लू ५४९ या दुचाकीवरून दोघे बेलापुरकडे जात असताना त्यांनी बाहुले यांना पाठीमागून जोराची धडक दिली. त्यात ते गंभीर जखमी झाले तसेच दोघांपैकी एक जण जखमी झाला. घटनेची माहीती मिळताच बेलापुरचे सहाय्यक पोलीस उपनिरीक्षक सुधीर हापसे, पोलीस नाईक रामेश्वर ढोकणे, पोलीस कॉन्स्टेबल संपत बडे, हरिष पानसंबळ, भारत तमनर तातडीने घटनास्थळी दाखल झाले. या वेळी मोठी गर्दी जमली होती दोन्ही जखमींना हॉस्पिटलमध्ये हलविण्यात आले. परंतु चंद्रकांत बाहुले यांना जबर मार लागल्याने उपचारापूर्वीच ते मयत झाले.
