शिवप्रहार न्युज - दारूच्या नशेत बायकोची करंगळी तोडली ! दुसऱ्या घटनेत पत्नीच्या डोक्यात कोयता !! 

दारूच्या नशेत बायकोची करंगळी तोडली ! दुसऱ्या घटनेत पत्नीच्या डोक्यात कोयता !! 

श्रीरामपूर/ शिर्डी ( शिवप्रहार न्यूज )- श्रीरामपूर तालुक्यातील कुरण/कुरणपूर परिसरात राहणारी विवाहीत तरुणी सौ काजल दीपक पवार हिला तिचा नवरा आरोपी दीपक पांडुरंग पवार याने दारूच्या नशेत शिवीगाळ करून फावड्याने मारहाण करत हाताची करंगळी तोडून टाकली.गंभीर जखमी सौ.काजल पवार हीला रुग्णालयात दाखल करण्यात आले असून तिने दिलेल्या फिर्यादीवरून दारुडा नवरा दीपक पांडुरंग पवार याच्याविरुद्ध लोणी पोलिसात भादंवि कलम 326,324,504,506 प्रमाणे गुन्हा दाखल करण्यात आला असून सपोनि आठरे यांच्या मार्गदर्शनाखाली सफौ लबडे हे आरोपीचा शोध घेत आहे.       

       दुसऱ्या घटनेत कोपरगाव तालुक्यातील सौ.मनीषा विशाल शाक हिला तिचा नवरा आरोपी विशाल शाक हा म्हणाला की,आपण आत्याच्या गावी कामधंद्यासाठी जाऊ तेव्हा मनीषा नवऱ्याला म्हणाली,”मी येणार नाही” तेव्हा चिडलेल्या नवऱ्याने पत्नीच्या डोक्यात कोयता मारला.हातावर तोंडावर जबर वार केले.जखमी पत्नी सौ.मनीषा विशाल शाक हिच्या फिर्यादीवरून आरोपी नवरा विशाल भारत शाक विरुद्ध कोपरगाव पोलिसात भादंवि कलम 326 ,323,504,506 प्रमाणे गुन्हा दाखल करण्यात आला असून पो.नि.देशमुख यांच्या मार्गदर्शनाखाली हे.कॉ.जाधव हे पुढील तपास करीत आहे.

      दोन्ही घटनेत नवऱ्याने आपल्या पत्नीवर कोयत्याने, फावड्याने वार केल्याची घटना घडल्याने महिलांवर किती अत्याचार चालतो हे पुन्हा एकदा समोर आले आहे .