शिवप्रहार न्युज - श्रीरामपुरात शिक्षिकेच्या घरी चोरी...
Editor Chandu Aage 
श्रीरामपुरात शिक्षिकेच्या घरी चोरी...
श्रीरामपूर (शिवप्रहार न्युज) - श्रीरामपूर शहरातील गोंधवणी रोड परिसरात शिक्षिकेच्या घरातून वस्तू चोरून नेण्याचा प्रकार समोर आला आहे. शहरातील वॉर्ड नं. १ मधील गोंधवणी रोडवरील सोनवणे वस्ती येथे राहणाऱ्या शिला रामचंद्र पवार, वय - ५४ यांच्या राहत्या घरासमोरील जुन्या घरात अज्ञात चोरटयाने प्रवेश करून घरातील ॲप्रो कंपनीची सायकल, तांब्याचा हंडा, चांदीचा ग्लास, पितळी पातेले, साड्या असा मुद्देमाल चोरून नेला. याप्रकरणी शिक्षिका शिला पवार यांनी श्रीरामपूर शहर पोलिसात फिर्याद दिल्यावरून अज्ञात चोरटयाविरूद्ध भादंवि कलम ३८०, ४५७ प्रमाणे गुन्हा दाखल करण्यात आला असून पुढील तपास श्रीरामपूर शहर पोलीस करीत आहे.
