शिवप्रहार न्यूज-“शिवप्रहार प्रतिष्ठान”चा भगवा मेळावा हजारो मावळ्यांच्या उपस्थितीत संपन्न...

“शिवप्रहार प्रतिष्ठान”चा भगवा मेळावा हजारो मावळ्यांच्या उपस्थितीत संपन्न...

 श्रीरामपूर- श्रीरामपूर शहरातील उत्सव मंगल कार्यालय,थत्ते ग्राउंड याठिकाणी आज 26 सप्टेंबर रोजी दुपारी १२ वाजता “शिवप्रहार प्रतिष्ठान “श्रीरामपूर या संघटनेच्या भगव्या मेळाव्याला सुरुवात झाली. त्यानंतर श्रीरामपूरसह आजूबाजूच्या भागातून आलेल्या अठरापगड जातीच्या हिंदू मावळ्यांना “शिवप्रहार प्रतिष्ठान” च्या वतीने मा.पोलीस अधिकारी श्री.सुरजभाई आगे यांनी शिवछत्रपतींच्या हिंदुत्वाबद्दल मार्गदर्शन केले.तसेच जिहादी प्रवृत्ती व हिंदूंना बाटवणाऱ्या मिशनरींच्या प्रवृत्ती यांच्यासह धर्मनिरपेक्ष राजकारण्यांवर या मेळाव्यात वैचारिक प्रहार करण्यात आला.

         बिगर राजकीय पक्षाचा “शिवप्रहार प्रतिष्ठान” चा हा भगवा मेळावा होता.या मेळाव्यात चार ते पाच हजार शिवछत्रपतींचे मावळे उपस्थित होते.कोणत्याही मोठ्या नेत्याच्या पाठिंब्याशिवाय किंवा कोणत्याही मोठ्या राजकीय पक्षाच्या समर्थना शिवाय “शिवप्रहार प्रतिष्ठान”ने स्वबळावर एवढा मोठा हिंदू बांधवांचा मेळावा भगव्याच्या रक्षणासाठी श्रीरामपूर शहरात भरवल्याबद्दल हिंदू समाजाकडून “शिवप्रहार प्रतिष्ठान”चे मोठे कौतुक होत आहे.

           श्रीरामपूर मधील नकली लोकांचे या मेळाव्यामुळे धाबे दणाणले आहे.तसेच अनेकांना या मेळाव्यातील मावळ्यांची संख्या पाहुन जळफळाट होत आहे.